ఇంఫాల్: మణిపూర్‌లో జరిగిన వేర్వేరు ఆపరేషన్లలో ఒక ఉగ్రవాదిని అరెస్టు(Militant arrested) చేసి, ఆయుధాలు, మందుగుండు సామగ్రిని స్వాధీనం చేసుకున్నట్లు పోలీసులు మంగళవారం తెలిపారు. ఇంఫాల్ వెస్ట్ జిల్లాలోని పట్సోయ్ ప్రాంతం నుండి నిషేధిత కాంగ్లీపాక్ కమ్యూనిస్ట్ పార్టీ (పిడబ్ల్యుజి) సంస్థకు చెందిన చురుకైన క్యాడర్‌ను భద్రతా దళాలు అరెస్టు చేశాయి. అతన్ని 24 ఏళ్ల నవోరెం థెంబుంగ్‌గా గుర్తించినట్లు పోలీసు ప్రకటన తెలిపింది.  

చురాచంద్‌పూర్ జిల్లాలోని నేపాలీ బస్తీ ప్రాంతంలో జరిగిన ఆపరేషన్‌లో రెండు సింగిల్ బ్యారెల్ రైఫిల్స్, రెండు కంట్రీ మేడ్ గ్రెనేడ్‌లు, మూడు కంట్రీ మేడ్ షెల్స్, ఎనిమిది కంట్రీ మేడ్ మోర్టార్లు, 25 కార్ట్రిడ్జ్‌లను స్వాధీనం చేసుకున్నారు. బిష్ణుపూర్ జిల్లాలోని కీఫా రోడ్డు నుండి ఒక మ్యాగజైన్‌తో కూడిన 303 స్నిపర్ రైఫిల్, ఒక టెలిస్కోప్, ఒక కంట్రీ మేడ్ గన్, రెండు సింగిల్ బ్యారెల్ రైఫిల్స్, ఒక మ్యాగజైన్‌తో కూడిన ఒక 32 కంట్రీ మేడ్ పిస్టల్, ఐదు బుల్లెట్ ప్రూఫ్ ప్లేట్‌లను భద్రతా దళాలు స్వాధీనం చేసుకున్నాయి. బిష్ణుపూర్ జిల్లాలోని ఫుబాలా మమాంగ్ పాట్ నుండి ఒక ఐఎన్ఎస్ఏఎస్ ఎల్ఎంజీ(INSAS LMG)తో పాటు ఒక మ్యాగజైన్, ఒక ఎస్బీబీఎల్ తుపాకీ, ఒక చైనా తయారీ గ్రెనేడ్, కార్ట్రిడ్జ్‌లను కూడా వారు స్వాధీనం చేసుకున్నట్లు అధికారులు వెల్లడించారు.