హైదరాబాద్: మంత్రి ఉత్తమ్ కుమార్ రెడ్డి శుక్రవారం నాడు ఉమ్మడి నిజామాబాద్ జిల్లాలో పర్యటించనున్నారు. ఆయన పర్యటన సందర్భంగా పలు కీలక కార్యక్రమాలను ప్లాన్ చేశారు. ఈ ప్రాంత సాగునీటి అవసరాలకు కీలకమైన నిజాంసాగర్‌ రిజర్వాయర్‌ నుంచి నీటి విడుదలను మంత్రి పర్యవేక్షించనున్నారు. దీని తరువాత మంత్రి శ్రీరాం సాగర్ ప్రాజెక్టును సందర్శించనున్నారు. శ్రీరామ్ సాగర్ ప్రాజెక్టుపై అధికారులతో మంత్రి ఉత్తమ్ కుమార్ సమీక్షించనున్నారు. జిల్లా అధికారులతో సమీక్షా సమావేశం నిర్వహించి అభివృద్ధి కార్యక్రమాలపై చర్చించి పాలనాపరమైన సమస్యలను పరిష్కరించనున్నారు. కామారెడ్డి జిల్లాలో మంత్రి ఉత్తమ్ పర్యటన దృష్ట్యా ముందస్తు అరెస్టు చేశారు. ఎమ్మెల్యే వ్యతిరేక వర్గీయులను పోలీసులు అదుపులోకి తీసుకున్నారు. జుక్కల్ నియోజకవర్గంలో కాంగ్రెస్ నాయకులు ముందస్తు అరెస్టు జరిగాయి. ఎమ్మెల్యే లక్ష్మీకాంతరావు ఆదేశాలతో అరెస్టులంటూ కాంగ్రెస్ నేతల ఆరోపణలు వస్తున్నాయి.