నెలాఖరుతో ముగియనున్న మోడల్ స్కూల్ ప్రవేశ దరఖాస్తులు

మంచిర్యాల టౌన్,(విజయక్రాంతి): 2026–27 విద్యా సంవత్సరానికి సంబంధించి ఆదర్శ పాఠశాల (TG Model School, Mancherial) లో ప్రవేశాలకు ఈ నెలాఖరు వరకు అవకాశం ఉందని మోడల్ స్కూల్ ప్రిన్సిపాల్ ముత్యం బుచ్చన్న మంగళ వారం తెలిపారు. ఆన్‌లైన్ దరఖాస్తులకు ఈ నెల 28తో గడువు ముగియనుండటంతో ఆసక్తి గల విద్యార్థులు ఆన్ లైన్ లో దరఖాస్తు చేసుకోవాలని కోరారు.

6వ తరగతిలో 100 సీట్లు, 7 నుంచి 10వ తరగతి వరకు ఖాళీగా ఉన్న సీట్లు భర్తీ చేస్తామని తెలిపారు. దరఖాస్తు చేసుకున్న వారికి ఏప్రిల్ 19న ప్రవేశ పరీక్ష ఉంటుందని, ఈ అవకాశాన్ని విద్యార్థులు వెబ్‌సైట్ www.tgms.telangana.gov.in ద్వారా ఆన్‌లైన్‌లో దరఖాస్తు చేసుకోవాలని కోరారు.