కుక్క పిల్లను ఎత్తుకొని తిరుగుతున్న వానరం

జయశంకర్ భూపాలపల్లి జిల్లా తిరుమలగిరిలో ఘటన

రేగొండ,(విజయక్రాంతి): జయశంకర్ భూపాలపల్లి జిల్లా రేగొండ మండలంలోని(Regonda Mandal) తిరుమలగిరి గ్రామంలో వింతఘటన మంగళవారం జరిగింది. ఓ వానరం అప్పుడే పుట్టిన చిన్న కుక్క పిల్లను ఎత్తుకొని చెట్లపై తిరుగుతుంది. స్థానికులు ఎంత ప్రయత్నించినా కుక్క పిల్లను విడవకుండా కింద పడకుండా గట్టిగా పట్టుకుని ఓ చెట్టు పైనుండి మరో చెట్టు పైకి దూకుతూ స్థానికుల పైకి దాడి చేయడానికి ప్రయత్నిస్తుందే తప్ప కుక్క పిల్లను మాత్రం విడవడం లేదు. పాపం తల్లి కుక్క ఆ వానరం వెనకాలే పరిగెడుతుంది. కానీ ఆ వానరం మాత్రం జాలి దయ లేకుండా ఆ కుక్క పిల్లను తన పొట్టకు గట్టిగా హత్తుకొని అక్కడినుండి వెళ్ళిపోయింది.