అనురాగ్ విశ్వవిద్యాలయం, నేషనల్ రిమోట్ సెన్సింగ్ సెంటర్‌ల మధ్య ఎంఓయు

ఘట్ కేసర్, డిసెంబర్ 10 (విజయక్రాంతి) : వెంకటాపూర్ లోని అనురాగ్ విశ్వవిద్యాలయం, నేషనల్ రిమోట్ సెన్సింగ్ సెంటర్ లు బుధవారం ఎంఓయు పై సంతకాలు చేశాయి. ఈ సంస్థల మధ్య అవగాహన పత్రం అనుసరించి అనురాగ్ విశ్వవిద్యాలయం విద్యార్థులు బీటెక్, ఎంటెక్, పీ.హెచ్.డీ, రీసెర్చ్ ప్రాజెకట్స్ ఎన్.ఆర్.ఎస్.సి నందు పూర్తి చేయవచ్చు. ఎన్‌ఆర్‌ఎస్సి, అనురాగ్ విశ్వవిద్యాలయం సంయుక్తంగా పరిశోధనలు నిర్వహించవచ్చు.

అనురాగ్ విశ్వవిద్యాలయం విద్యార్థులు ఇండస్ట్రియల్ విజిట్, ట్రైనింగ్ ల కొరకు ఎన్ ఆర్ ఎస్ సి సహాయం కోరవచ్చును. ఈ అవగాహన పత్రంపై ఎన్ ఆర్ ఎస్ సి డైరెక్టర్ డాక్టర్ ప్రకాష్ చౌహాన్, అనురాగ్ విశ్వవిద్యాలయ వైస్ ఛాన్సలర్ డాక్టర్ అర్చన మంత్రి సంతకాలు చేశారు.

ఈకార్యక్రమంలో డిప్యూటీ డైరెక్టర్ డాక్టర్ ఎన్. అపర్ణ గ్రూప్ హెడ్, టీఈఓజి ఎన్‌ఆర్‌ఎస్సి, పి. శశిధర్ రెడ్డి, అనురాగ్ విశ్వవిద్యాలయ సీఈవో ఎస్ .నీలిమ, ఓఐఏ డైరెక్టర్ డాక్టర్ సిద్ధార్థ గోష్,  అసోసియేట్ డైరెక్టర్ డాక్టర్ ఎం. సంతోష్ పాల్గొన్నారు. ఈ ఎంఓయు జరుగుటకు ఎంతగానో సహకరించిన ఎన్‌ఆర్‌ఎస్సి శాస్త్రవేత్త డాక్టర్ జయసక్సేనాకు అనురాగ్ విశ్వవిద్యాలయ యాజమాన్యం కృతజ్ఞతలు తెలిపారు.