మున్సిపాలిటీలో కాంగ్రెస్ జెండా ఎగరవేస్తాం

జిల్లా నాయకులు ఒంటికొమ్ము యుగంధర్ రెడ్డి

మరిపెడ,(విజయక్రాంతి): మహబూబాబాద్ జిల్లా మరిపెడ మున్సిపాలిటీలో మున్సిపల్ సున్నాహకా సమావేశం టౌన్ అధ్యక్షుడు తాజుద్దీన్ ఆధ్వర్యంలో జరిగింది.కాంగ్రెస్ పార్టీ మరిపెడ మున్సిపాలిటీ ముఖ్య కార్యకర్తల సమావేశం  డోర్నకల్ ఎమ్మెల్యే ప్రభుత్వ విప్ అండ్ డిప్యూటీ స్పీకర్ డాక్టర్ జాటోత్ రామచంద్రనాయక్ ఆదేశాల మేరకు మరిపెడ పట్టణ అధ్యక్షుడు షేక్ తాజుద్దీన్ ఆధ్వర్యంలో పట్టణ జిల్లా పార్టీ నాయకులు వంటికొమ్ము యుగంధర్ రెడ్డి, మండల కాంగ్రెస్ పార్టీ పెండ్లి రఘువీరా రెడ్డి ముఖ్యఅతిథిగా హాజరయ్యారు. ఈ సమావేశంలో నాయకులు మాట్లాడుతూ మున్సిపాలిటీ  కాంగ్రెస్ పార్టీ శ్రేణులకు దిశా నిర్దేశం చేశారు.జిల్లా నాయకులు ఒంటికొమ్ము యుగంధర్ రెడ్డి మాట్లాడుతూ రేవంత్ రెడ్డి సుపరిపాలనతో కాంగ్రెస్ వేవ్ నడుస్తున్న ప్రస్తుత తరుణంలో 15 వార్డులు గెలవడం మనందరి ముందున్న పెద్ద లక్ష్యమని..ఆ లక్ష్యాన్ని సునాయాసంగా చేదించాలంటే పార్టీ శ్రేణులు బేధాభిప్రాయాలు పక్కకు పెట్టి కలిసికట్టుగా పోరాడాలని పిలుపునిచ్చారు. మండల అధ్యక్షులు పెండ్లి రఘువీరా రెడ్డి  మాట్లాడుతూ అంకితభావంతో పనిచేసి ఎమ్మెల్యే మరిపెడ మున్సిపాలిటీ విజయాన్ని బహుమతిగా అందివ్వాలని కోరారు.