వాషింగ్టన్: అమెరికా అధ్యక్ష ఎన్నికల్లో ట్రంప్ విజయం తర్వాత ఎలాన్ మస్క్ షేరురాణించడం అందరికీ తెలిసిందే. కానీ, ఒక్క విషయం మాత్రం ఆయనను కలవరపాటు కు గురిచేస్తోంది. తన సామాజిక మాధ్యమమైన ‘ఎక్స్’ ను అమెరికన్లు పెద్ద సంఖ్యలో వీడుతుండడమే దీనికి కారణం. ఇలా వెళ్లిన వారంతా ‘బ్లూస్కై’లో  చేరుతున్నారు. దీంతో ఈ కొత్త సామాజిక మాధ్యమం అనతికాలంలోనే 10 మిలియన్ల సబ్‌స్ర్కైబర్లను సొంతం చేసుకుంది.

అమెరికాలో యాపిల్ స్టోర్, గూగుల్ ప్లే స్టోర్‌లో టాప్ ఛార్ట్‌లో నిలిచిం ది.రి పబ్లికన్ అభ్యర్థి డొనాల్డ్ ట్రంప్ విజయంలో ఎలాన్ మస్క్ కీలక భూమిక పోషించారు. ట్రంప్ ప్రచారానికి పెద్ద మొత్తంలో నిధులు సమకూర్చడంతో పాటు ఆయన తరఫున ప్రచారం కూడా చేశారు. ఇది కొందరు అమెరికన్లకు రుచించలేదు. ట్రంప్ విజయం అనంతరం ఎలాన్ మస్క్‌కు కీలక బాధ్యతలు అప్పగించడంతో ఆ వ్యతిరేకత తీవ్ర రూపం దాల్చినట్లయ్యింది.

ఇక ‘ఎక్స్’ పూర్తిగా రైట్‌వింగ్‌కు మాత్రమే పెద్ద పీట వేస్తుందన్న అంచనాలు ‘అసంతృప్తుల ను’ ప్రత్యామ్నాయ మార్గాల వైపు చూసేలా చేసింది. ఎక్స్ ఇటీవల సవరించిన టరమ్స్ అండ్ కండీషన్స్ కూడా మరో కారణమైంది. తన ఏఐ చాట్‌బాట్ మోడల్ ‘గ్రోక్’కు శిక్షణ ఇచ్చేందుకు యూజర్లు చేసే పోస్టులు, ఫొటోలను వాడుకుంటామని అందులో పేర్కొన డం మరో కారణం.

ట్విటర్ మాజీ సీఈఓ జాక్ డోర్సే స్థాపించిన సోషల్‌మీడియానే ఈ బ్లూ స్కై. 2019 లో దీన్ని ఓ ఇంటర్నెల్ ప్రాజెక్ట్‌గా  రూపొందించారు. తొలుత ఇన్విటేషన్ ఆధారంగా తీసుకువచ్చి, ఈ ఏడాది పూర్తి స్థాయిలో యూజర్లకు అందుబాటులోకి తెచ్చారు. సెప్టెంబర్ వరకు 10 మిలియన్ యూజర్లు మాత్రమే ఉండగా.. ఎన్నికల తర్వాత దీనికి ఒక్కసారిగా క్రేజ్ పెరిగింది.

ప్రస్తుతం 19 మిలియన్ యూజర్లతో ట్రెండి ంగ్‌లో కొనసాగుతోంది. ‘బ్లూ స్కై’ అచ్చం ఎక్స్‌లానే పనిచేస్తుంది. ఫొటోలు, వీడియోలు, డైరెక్ట్ మెసేజులు పంపించొచ్చు. అయితే, ఇందు లో యూజర్లు ఫాలో అయ్యే అకౌంట్ల నుంచి ఫీడ్ మాత్రమే చూపిస్తుంది. వ్యక్తులే తమ ఫీడ్‌ను కస్టమైజ్ చేసుకునే సదుపాయం ఉంది. మిగిలిన కంపెనీ ల్లా యూజర్ల డేటా కంపెనీ సొంత సర్వర్లలో ఉండదు.

యూజ ర్లు కావాలనుకుంటే సొంత సర్వర్లను వాడుకోవచ్చు. లేదా సంస్థ సర్వర్‌పై ఆధారపడొ చ్చు. అయితే, మెటాకు చెందిన థ్రెడ్స్ కూడా ఎక్స్‌కు పోటీగా వచ్చినప్పటికీ.. దాని అల్గారిథమ్ పొలిటికల్ పోస్టులకు అంతగా ప్రాము ఖ్యం ఇవ్వకపోవడం ‘బ్లూ స్కై’కి కలిసొచ్చిం ది. ఇప్పటికే జర్నలిస్టులు, అథ్లెట్లు, ప్రముఖులు బ్లూస్కై ఖాతాలు తెరవడంతో తమ టీమ్‌నుపెంచుకునే పనిలో పడింది ఆ సంస్థ.