ముంబై: ముంబైలో ఆదివారం ఉదయం గణేష్ విగ్రహ నిమజ్జన(Ganesh idol immersion) ఊరేగింపు సందర్భంగా విద్యుత్ తీగలు తగలడంతో ఒక వ్యక్తి మృతి చెందగా, ఐదుగురు గాయపడ్డారని అధికారులు తెలిపారు. సకినాకా ప్రాంతంలోని ఖైరానీ రోడ్డులో ఉదయం 10.45 గంటల ప్రాంతంలో ఈ సంఘటన జరిగింది. ప్రమాదవశాత్తు వేలాడుతున్న విద్యుత్ తీగ గణపతి విగ్రహాన్ని(Ganesha idol) తాకడంతో, సమీపంలో ఉన్న ఆరుగురు భక్తులు విద్యుదాఘాతానికి గురై మరణించారని స్థానిక పోలీసుల నుండి అందిన సమాచారం ప్రకారం అధికారులు తెలిపారు. 

కొంతమంది స్థానికులు గాయపడిన వారిని సమీపంలోని ప్రైవేట్ వైద్య కేంద్రాలకు తరలించారు. వారిలో ఒకరిని పౌర నిర్వహణలోని సెవెన్ హిల్స్ ఆసుపత్రికి తరలించారని ఒక అధికారి తెలిపారు. సెవెన్ హిల్స్ ఆసుపత్రి(Seven Hills Hospital) వైద్యులు బిను సుకుమారన్ కుమారన్ (36) మృత్యువాత పడ్డారని ప్రకటించారు. మరో ఐదుగురు - సుభాన్షు కామత్ (20), తుషార్ గుప్తా (20), ధర్మరాజ్ గుప్తా (49), కరణ్ కనోజియా (14), అనుష్ గుప్తా (6), పారామౌంట్ ఆసుపత్రిలో చేరారు.  వారి పరిస్థితి స్థిరంగా ఉందని అధికారులు వెల్లడించారు.