టాలెంట్ టెస్ట్‌కు అనూహ్య స్పందన

ఐఐఎంసీ కాలేజీ ఆధ్వర్యంలో నిర్వహణ

ఖైరతాబాద్, మార్చి 16: ఇండియన్ ఇన్‌స్టిట్యూట్ ఆఫ్ మేనేజ్‌మెంట్ అండ్ కామర్స్ కళాశాల (స్వయం ప్రతిపత్తి), శామీర్‌పేటలోని ఇనిస్టిట్యూట్ ఆఫ్ పబ్లిక్ ఎంటర్ప్రుజ్ సంస్థ సంయుక్తంగా సోమవారం మేనేజ్మెంట్ టాలెంట్ టెస్ట్‌ను అంతర్జాల మాధ్యమం ద్వారా నిర్వహించాయి. డిగ్రీ, పీజీ విద్యార్థులలో మేనేజ్మెంట్ అంశాలపై అవగాహన కలిగించాలనే ఉద్దేశంతో “ మేనేజ్మెంట్ టాలెంట్ టెస్ట్‌”ను నిర్వహించారు.

ఇందులో 11 దేశాల నుంచి భారత దేశంలోని 16 రాష్ట్రాలకు చెందిన 65 నగరాలలోని వివిధ కళాశాలలకు చెందిన 1,410 మంది విద్యార్థులు పాల్గొన్నారని కళాశాల ప్రిన్సిపల్ కూర రఘువీర్ తెలియజేశారు. ఉత్తమ ప్రతిభ కనబరిచిన నవ శక్తి ( ఏవిపి కాలేజ ఆర్ట్స్ అండ్ సైన్స్, తిరుపూర్) మొదటి బహుమతిగా రూ. 5,000-, రామ్ చరణ్ తేజ (కేశవ మెమోరియల్ ఇన్స్టిట్యూట్ ఆఫ్ మేనేజ్మెంట్, హైదరాబాద్  )

రెండవ బహుమతిగా రూ. 3,000-, సనం శివమణికంట  (కేశవ మెమోరియల్ ఇన్స్టిట్యూట్ ఆఫ్ మేనేజ్మెంట్, హైదరాబాద్) మూడవ బహుమతిగా రూ. 2,000-, అంగయార్ కన్ని (ఏవిపి కాలేజ ఆర్ట్స్ అండ్ సైన్స్, తిరుపూర్),  దిశా ఆత్మీయ యూనివర్సిటీ,రాజ్ కొట్), కృష్ణ తుశాంత్ (ఠాకూర్ ఇన్స్టిట్యూట్ ఆఫ్ మేనేజ్మెంట్ స్టడీస్ , ముంబై), రితిక్ రస్తోగి (ఈడి అకాడమీ ఆఫ్ మేనేజ్మెంట్ అండ్ టెక్నాలజీ,ఘజియబాద్), నమిత అన్ (సవిత ఇంజనీరింగ్ కాలేజ్, చెన్ను), నీలిమ ( కె ఎల్ యూనివర్సిటీ, విజయవాడ), శ్రీకర్ (భవన్స్ వివేకానంద కాలేజ్, హైదరాబాద్) 7 ప్రోత్సాహక బహుమతులు ఒక్కొక్కరికి రూ.వెయ్యి చొప్పున  అందజేశారు.