సాంబా: జమ్మూ కాశ్మీర్‌లోని సాంబా జిల్లాలోని అంతర్జాతీయ సరిహద్దు(International Border) వెంబడి ఉన్న ఒక గ్రామంపై పాకిస్తాన్ డ్రోన్(Pakistani drone) సంచరిస్తున్నట్లు కనిపించడంతో భద్రతా దళాలు శనివారం శోధింపు ఆపరేషన్ ప్రారంభించాయని అధికారులు తెలిపారు. డ్రోన్ లాంటి వస్తువు పాకిస్తాన్ వైపు నుండి వస్తున్నట్లు కనిపించిందని, శుక్రవారం రాత్రి రామ్‌గఢ్ సెక్టార్‌లోని నంగా గ్రామంపై సంచరిస్తున్నట్లు, సరిహద్దు ప్రాంతంలో హెచ్చరికలు జారీ చేశామని తెలిపారు. అధికారులు తెలిపిన వివరాల ప్రకారం, భద్రతా దళాలు, పోలీసు బృందాలను వెంటనే మోహరించి, ఆ ప్రాంతాన్ని జల్లెడ పట్టి, సరిహద్దు అవతల నుండి మాదకద్రవ్యాలు, ఆయుధాలు వంటి ఎటువంటివి ఇటువైపు పడవేయకుండా చూసుకున్నారు. సెర్చ్ ఆపరేషన్ కొనసాగుతోందని, ముందు జాగ్రత్త చర్యగా పొరుగు గ్రామాలలో భద్రతను పెంచామని అధికారులు పేర్కొన్నారు.