బెల్లంపల్లి అర్బన్,(విజయక్రాంతి): మంచిర్యాల జిల్లా బెల్లంపల్లిలో పోలీసులు ఓ అంగన్వాడి స్కూల్ కి బ్యాగులు పంపిణీ చేసి తమ దాతృత్వాన్ని చాటుకున్నారు. బెల్లంపల్లిరూరల్ సర్కిల్ ఇన్స్పెక్టర్ సయ్యద్ అఫ్జలుద్దిన్, తాళ్ళగురిజాల ఎస్సై సి. హెచ్ రమేష్ ఆధ్వర్యంలో శుక్రవారం తాళ్ళగురిజాల పోలీసుస్టేషన్ లో ఎం. టి సెక్షన్ లో విధులు నిర్వర్తిస్తున్న ఎ. ఆర్,పీ. సిసయ్యద్ రసూల్ తాళ్ళగురిజాల గ్రామంలోని అంగన్వాడీ స్కూల్లో పిల్లలకీ చదువుకుంటున్న పిల్లలకి స్కూల్ బ్యాగ్స్, పలకలు అందజేశారు. అంగన్వాడీ విద్యార్థులకు పోలీసులు చేసిన ఈ సహాయాన్ని గ్రామస్తులు అభినందిస్తున్నారు. ఈ సెంటర్లో విద్యార్థులకు విద్యాబోధన చేస్తున్న అంగన్వాడి టీచర్, ఆయాలు సైతం పోలీసులకు ప్రత్యేక అభినందనలు తెలిపారు.