హైదరాబాద్: పరిపాలనా కారణాల దృష్ట్యా హైదరాబాద్ పోలీస్ కమిషనరేట్(Hyderabad Police Commissionerate) పరిధిలోని 54 మంది ఇన్‌స్పెక్టర్లను పోలీస్ శాఖ తక్షణమే బదిలీ చేసింది. ఈ మేరకు హైదరాబాద్ పోలీస్ కమిషనర్ వి.సి. సజ్జనార్ ఒక ఉత్తర్వు జారీ చేశారు. సంబంధిత అధికారులను వెంటనే ఇన్‌స్పెక్టర్లను విధుల నుండి విముక్తి చేసి, వారి కొత్త పోస్టింగ్‌ల స్థానాల్లో రిపోర్ట్ చేయాలని ఆదేశించి, ఆ విషయాన్ని ధృవీకరించాలని సజ్జనార్ కోరారు. సెంట్రల్ క్రైమ్ స్టేషన్ (సీసీఎస్), సైబర్‌క్రైమ్స్ వింగ్, టాస్క్ ఫోర్స్, ఇతర పోలీస్ స్టేషన్లలో పనిచేస్తున్న సుమారు 26 మంది ఇన్‌స్పెక్టర్లను తదుపరి ఆదేశాలు వచ్చేవరకు కమిషనర్ కార్యాలయంలో రిపోర్ట్ చేయాలని ఆదేశించారు.