బీజాపూర్‌లో పేలిన ఐఈడీ.. వ్యక్తి మృతి

బీజాపూర్: ఛత్తీస్‌గఢ్‌లోని బీజాపూర్ జిల్లాలో మావోయిస్టులు అమర్చిన ప్రెజర్ ఇంప్రూవైజ్డ్ ఎక్స్‌ప్లోజివ్ డివైస్ (Improvised Explosive Devices) పేలడంతో 20 ఏళ్ల యువకుడు మరణించాడని పోలీసులు సోమవారం తెలిపారు. ఉసూర్ పోలీస్ స్టేషన్(Usur Police Station) పరిధిలోని కస్తూరిపాడు గ్రామానికి చెందిన బాధితుడు అయిత కుహ్రామి సమీపంలోని అడవికి వెళ్లినప్పుడు ఆదివారం ఈ సంఘటన జరిగిందని ఒక పోలీసు అధికారి తెలిపారు. అతను అనుకోకుండా ప్రెజర్ ఐఈడీని తాకడంతో అది పేలి, అతని కాళ్లకు గాయాలయ్యాయి. ఆ వ్యక్తిని ఆసుపత్రికి తరలిస్తుండగా, అతను గాయాల కారణంగా మరణించాడని అధికారి తెలిపారు. 

ఆ ప్రాంతంలో మరిన్ని ఐఈడీలు అమర్చారా? అన్న కోణంలో తనిఖీ చేయడానికి భద్రతా సిబ్బంది ఆ ప్రాంతంలో గాలింపు చర్యలు చేపట్టారు. అడవులు, మారుమూల ప్రాంతాలకు వెళ్లేటప్పుడు చాలా జాగ్రత్తగా ఉండాలని, ఏదైనా అనుమానాస్పద వస్తువులు, కార్యకలాపాలు, సామగ్రిని సమీపంలోని పోలీస్ స్టేషన్ లేదా భద్రతా శిబిరానికి వెంటనే తెలియజేయాలని అధికారులు గ్రామస్తులకు విజ్ఞప్తి చేశారు. మావోయిస్టులు అడవుల్లో నక్సల్ వ్యతిరేక ఆపరేషన్ల సమయంలో భద్రతా సిబ్బంది ఉపయోగించే మట్టి దారుల్లో తరచుగా ఐఈడీలను పాతుతారు. బీజాపూర్ సహా ఏడు జిల్లాలతో కూడిన బస్తర్ ప్రాంతంలో తీవ్రవాదులు అమర్చిన ఇలాంటి ఉచ్చులకు పౌరులు కూడా బలయ్యారని పోలీసులు పేర్కొన్నారు. గత సంవత్సరం బస్తర్ ప్రాంతంలో ప్రెజర్ ఐఈడీ పేలుళ్లతో సహా మావోయిస్టు దాడిలో ఏకంగా 46 మంది ప్రాణాలు కోల్పోయారు.