జిల్లాలో మొట్ట మొదటిసారిగా ‘పోలీస్ అక్క‘ కార్యక్రమానికి ఎస్పీ అఖిల్ మహాజన్ శ్రీకారం

ఆదిలాబాద్, నవంబర్ 4 (విజయక్రాంతి):  మహిళలు, విద్యార్థులు తమ జీవితంలో వారి పట్ల జరిగిన అన్యాయాలను, అఘాయిత్యాలను ధైర్యంగా జిల్లా పోలీసులకు సమాచారం అందించాలని వారిలో ధైర్యసాహసాలను పెంపొందించడానికి తమ వంతు ప్రయత్నంగానే జిల్లాలో మొట్టమొదటిసారిగా ప్రారం భించిన ‘పోలీస్ అక్క’ కార్యక్రమం ముఖ్య ఉద్దేశమని ఎస్పీ అఖిల్ మహాజన్ అన్నారు. 

మంగళవారం స్థానిక సాంఘిక సంక్షేమ కళాశాల, పాఠశాలలో 250 మంది విద్యార్థినిల సమక్షంలో జిల్లాలో మొట్టమొదటిసారిగా జిల్లా ఎస్పీ చేతుల మీదుగా ‘పోలీస్ అక్క‘ అనే కార్యక్రమాన్ని జ్యోతి ప్రజ్వలన చేసి లాంఛనంగా ప్రారంభించారు.  పాఠశాల విద్యా ర్థులకు జిల్లా పోలీస్ వ్యవస్థ మరింత చెరువు కావడానికే ఈ ‘పోలీస్ అక్క’ పేరుతో కార్యక్రమాన్ని చేపట్టడం జరిగిందని ఎస్పీ తెలిపారు.

ప్రతి పోలీస్ స్టేషన్ కు చెందిన ఒక మహిళ పోలీసు కానిస్టేబుల్ చే పాఠశాల విద్యార్థిని విద్యార్థులకు, మహిళల పట్ల, విద్యార్థినుల పట్ల జరిగే నేరాలపై అవగాహనను కల్పించనున్నారనీ, పాఠశాల బాలురకు, బాలికల పట్ల ప్రవర్తించవలసిన తీరును వివరించనున్నారనీ తెలిపారు. జిల్లాలోని ప్రతి ఒక్క పాఠశాలలో విద్యార్థిని విద్యార్థులకు పోలీస్ స్టేషన్ కు సం బంధించినటువంటి మహిళా పోలీసు వారానికి రెండు, మూడు రోజులు పలు పాఠశాల లను సందర్శించి వారితో సమావేశం నిర్వహించి వారికి అవగాహన కార్యక్రమం నిర్వ హించనున్నారు. 

అదేవిధంగా గ్రామాలను సైతం సందర్శిస్తూ మహిళలకు ప్రత్యేక అవగాహన కార్యక్రమాలు నిర్వహించనున్నారు. ఎట్టి పరిస్థితుల్లోనూ విద్యార్థులకు జరిగిన అన్యాయాలు మరుగున పడకుండా ఇతరులకు అదే రీతిలో అన్యాయాలు జరగకుండా అడ్డుకోవడానికి జిల్లా పోలీసు యంత్రాంగం పోలీసు అక్క పేరుతో విద్యార్థులకు దగ్గరై ఈవ్ టీజిం గ్, గుడ్ టచ్, బ్యాడ్ టచ్ లపై,

రోడ్లపై ఆకతాయిల వేధింపులపై, బాల్యవివాహాలపై, సోషల్ మీడియా వేధింపులపై, ఫేక్ సోషల్ మీడియా ద్వారా విద్యార్థులకు ఇబ్బందులు కలిగించడం, ప్రేమ పేరుతో వేధింపులు, ఫోటోలను వీడియోలను తీసుకొని వాటి ద్వారా బ్లాక్మెయిలింగ్ కు పాల్పడడం లాంటి వాటిని ధైర్యంగా జిల్లా పోలీసుల దృష్టికి తీసుకురావాలని వారి పేర్లను బయటకు రాకుండా సరైన న్యాయం చేసే దిశగా జిల్లా పోలీసు యంత్రాంగం పూర్తి సహాయ సహకారాలు అందిస్తుందని హామీ ఇచ్చారు.   

ఈ కార్యక్రమంలో ఉట్నూర్ అదనపు ఎస్పి కాజల్ సింగ్, డి.ఎస్.పి ఎల్. జీవన్ రెడ్డి, పాఠశాల ప్రిన్సిపల్ లలిత కుమారి, పట్టణ సిఐ లు కర్ర స్వామి, సునీల్ కుమార్,  ప్రభాకర్, నాగరాజు, ప్రణయ్ కుమార్, ప్రేమ్ కుమార్, అంజమ్మ, పోలీసు అక్క కార్యక్రమం విమెన్ కానిస్టేబుల్స్, సిబ్బంది పాల్గొన్నారు.