ఎవరు అవకాశమిస్తే వారికే ప్రాధాన్యం

బ్యాక్ టు బ్యాక్ ఫ్లాప్స్ పలకరించడం తో హీరోయిన్ పూజా హెగ్డే కొంతకాలం పాటు ఇండస్ట్రీకి దూరంగా ఉండిపోయింది. తిరిగి ప్రస్తుతం మరోసారి బిజీ హీరోయిన్‌గా మారిపోయింది. బాలీవుడ్‌లో కెరీర్ ప్రారంభించిన పూజా హెగ్డే సౌత్‌లో టాప్ హీరోయిన్ స్థాయికి ఎదిగింది. ఆ తరువాత బాలీవుడ్‌లో నూ సినిమాలు చేసింది. తాజాగా ‘దేవా’ చిత్రం కూడా అమ్మడికి ఆశించిన ఫలితాన్ని ఇవ్వలేదు. ప్రస్తుతం పూజా హెగ్డేకు మరోసారి సౌత్ అవకాశమిచ్చింది.

తమిళనాట అమ్మడు యమా బిజీ. అయితే తాజాగా ఓ ఇంటర్వ్యూలో సౌత్, నార్త్ సినీ ఇండస్ట్రీలో ఏది ప్రాధాన్యత అనే విషయమై అమ్మడు ఆసక్తికర కామెంట్స్ చేసింది. తనకు ఎక్కడ ఎవరు అవకాశం ఇస్తే వారికే ప్రాధాన్యత అని చెప్పింది. “నాకు అవకాశం కల్పించేది సౌతా? నార్తా? అనేది చూడను. అసలు ఆ డిఫరెన్సే నాకు లేదు. ఎవరు అవకాశాలు ఇచ్చి, ఆదరిస్తారో వారే ముఖ్యం.

అవకాశాలు తక్కువగా ఉన్న సమయంలోనే నేను కష్టపడి నా కెరీర్‌ను నిర్మించుకున్నా. ఇదొక గొప్ప ప్రయాణం. ప్రతి సినిమా మనల్ని ఎదిగేలా చేస్తుంది కాబట్టి అవన్నీ నాకు ముఖ్యమే. ఆ సినిమాలే మనం ఎదుగుదలకు లేదంటే నాశనానికి కారణమవుతా యి. అవకాశాలు రావాలంటే సక్సెస్ ఉండాల్సిందే. బాలీవుడ్ సినిమాలు చూస్తూ పెరిగిన నాకు.. సౌత్ మూవీస్ బాలీవుడ్‌లో అదరగొట్టడం చూస్తుంటే ఆశ్చర్యమేసింది” అని పూజాహెగ్డే చెప్పుకొచ్చింది.