వ్యవసాయ సంఘాల నాయకులతో రాహుల్ సమావేశం

న్యూఢిల్లీ: ప్రతిపక్ష నాయకుడు రాహుల్ గాంధీ(Rahul Gandhi) శుక్రవారం పార్లమెంట్ హౌస్ కాంప్లెక్స్‌లో దేశవ్యాప్తంగా ఉన్న రైతు సంఘాల నాయకులతో సమావేశమయ్యారు. ఈ సందర్భంగా భారత్-అమెరికా(India-US trade deal) మధ్యంతర వాణిజ్య ఒప్పందాన్ని వ్యతిరేకించడానికి, రైతులు, వ్యవసాయ కార్మికుల జీవనోపాధిని కాపాడటానికి దేశవ్యాప్తంగా ఉద్యమం చేపట్టాల్సిన అవసరం గురించి చర్చించారు. సమావేశంలో, వ్యవసాయ సంఘాల నాయకులు భారతదేశం-అమెరికా వాణిజ్య ఒప్పందాన్ని వ్యతిరేకించారు. మొక్కజొన్న, సోయాబీన్, పత్తి, పండ్లు, గింజల రైతుల జీవనోపాధి పట్ల తమ తీవ్ర ఆందోళనను వ్యక్తం చేశారని కాంగ్రెస్ తెలిపింది. ఈ వాణిజ్య ఒప్పందం వ్యవసాయ దిగుమతులకు తలుపులు తెరిచిందని, త్వరలో అనేక ఇతర పంటలు కూడా వస్తాయని రాహుల్ గాంధీ పేర్కొన్నారు.