హైదరాబాద్: తెలంగాణలోని(Telangana) పలు ప్రాంతాల్లో సోమవారం భారీ వర్షం(Rain) కురుస్తోందని భారత వాతావరణ శాఖ(India Meteorological Department) హెచ్చరించింది. భద్రాద్రి కొత్తగూడెం, ఖమ్మం, హహబూబాబాద్, ములుగు, నల్గొండ, రంగారెడ్డి, సూర్యాపేట, వరంగల్, యాదాద్రి భువనగిరి జిల్లాలోని పలు ప్రాంతాల్లో మోస్తరు, ఉరుములు మెరుపులతో కూడిన వర్షాలు కురుస్తాయని పేర్కొంది. గ్రేటర్ హైదరాబాద్(Greater Hyderabad) అంతటా సోమవారం సాయంత్రం నాటికి అక్కడక్కడ ఉరుములతో కూడిన వర్షాలు కురిసే అవకాశముందని వాతావరణ శాఖ వెల్లడించింది.

నగరంలో ఉరుములు, ఈదురుగాలులతో కూడిన వర్షాలు కురిసే అవకాశం ఉందని తెలిపింది. చార్మినార్, ఖైరతాబాద్, కూకట్‌పల్లి, ఎల్‌బి నగర్, సికింద్రాబాద్, శేరిలింగంపల్లితో సహా హైదరాబాద్‌లోని ఆరు మండలాలకు ఎల్లో హెచ్చరిక(Yellow warning)  జారీ చేసింది. హైదరాబాద్‌కు చెందిన స్వతంత్ర వాతావరణ ట్రాకర్ టి బాలాజీ సోమవారం ఉదయం తన సూచనలో సాయంత్రం వరకు తీవ్రమైన వర్షాలు కురుస్తాయని సూచించారు. "మధ్యాహ్నం వరకు పొడి వాతావరణం ఉంటుంది, తరువాత మధ్యాహ్నం నుండి అర్ధరాత్రి వరకు కొన్ని చోట్ల ఒకటి లేదా రెండు వంతుల మోస్తరు-భారీ వర్షాలు కురిసే అవకాశం ఉంది" అని బాలాజీ ఎక్స్ లో పోస్ట్ చేశారు.