లక్షేట్టిపేట (విజయక్రాంతి): లక్షేట్టిపేట సర్కిల్ ఇన్స్పెక్టర్ ఆఫ్ పోలీస్(Circle Inspector of Police)గా రమణ మూర్తి బదిలీపై రానున్నారు. ఇప్పటి వరకు ఇక్కడ సీఐగా బాధ్యతలు నిర్వర్తించిన అల్లం నరేందర్ ఇన్స్పెక్టర్ జనరల్ ఆఫ్ పోలీస్ హైదరాబాద్ కు, హైదరాబాద్ లోని ఇన్స్పెక్టర్ జనరల్ ఆఫ్ పోలీస్ కార్యాలయం నుంచి రమణ మూర్తిని లక్షేట్టిపేటకు బదిలీ చేసినట్లు ఐజీ చంద్రశేఖర్ రెడ్డి (మల్టీ జోన్-1) సోమవారం ఉత్తర్వులు జారీ చేశారు. బదిలీ నేపథ్యంలో ఇప్పటి వరకు ఇక్కడ విధులు నిర్వర్తించిన సీఐ అల్లం నరేందర్ కు పోలీస్ సిబ్బంది మంగళవారం ఆత్మీయ వీడ్కోలు పలికారు. సీఐ నరేందర్ సేవలు మరువలేనివని కొనియాడారు.