పూడూరులో ముగ్గుల పోటీలు

మేడ్చల్ అర్బన్, జనవరి 12(విజయ క్రాంతి): సంక్రాంతి పండుగ సంబరాల్లో భాగంగా పూడూరు ఉన్నత పాఠశాలలో బిజెపి సీనియర్ నాయకులు రామన్న గారి శ్రీనివాస్ గౌడ్ ఆధ్వర్యంలో ముగ్గుల పోటీలు నిర్వహించారు. ఈ కార్యక్రమంలో మహిళలు పెద్ద ఎత్తున పాల్గొని ముగ్గులు వేశారు. విజేతలకు బహుమతులు అందజేశారు. ఈ సందర్భంగా రామన్న గారి శ్రీనివాస్ గౌడ్ మాట్లాడుతూ పండగ సంస్కృతి సంప్రదాయాలు ప్రోత్సహించాలన్న ఉద్దేశంతో ఈ కార్యక్రమం నిర్వహించామన్నారు. ఈ కార్యక్రమంలో బిజెపి ప్రధాన కార్యదర్శి జాకాట ప్రేమ దాస్, సీనియర్ నాయకులు చెరుకొమ్ము శ్రీనివాస్ గౌడ్, బచ్చు కృష్ణప్రియ మల్లారెడ్డి, పద్మాక్షి, బొజ్జ వంశీధర్ రెడ్డి, అవినాష్ చారి, జకట బాబు రాజు, కేశవరెడ్డి తదితరులు పాల్గొన్నారు.