ఆర్‌సీబీ తగ్గేదే లే

ఢిల్లీపై బెంగళూరు ప్రతీకారం

చిత్తుగా ఓడిన క్యాపిటల్స్

నిప్పులు చెరిగిన భువీ, హాజిల్‌వుడ్

ఐపీఎల్ 19వ సీజన్ లో రాయల్ ఛాలెంజర్స్ బెంగళూరు హవా కొనసాగుతోంది. డిఫెండింగ్ ఛాంపియన్ హోదాలో అదరగొడుతున్న ఆర్సీబీ తాజాగా ఢిల్లీ క్యాపిటల్స్‌ను చిత్తు చిత్తుగా ఓడించింది. తద్వారా తమ హోంగ్రౌండ్‌లో ఎదురైన ఓటమికి రివేంజ్ తీర్చుకుంది. ఆర్సీబీ బౌలర్లు చెలరేగిపోయిన వేళ ఈ సీజన్‌లో అత్యల్ప స్కోరుకే ఢిల్లీ ఆలౌటైంది. భువనేశ్వర్, హ్యాజిల్ వుడ్ చెరొక ఎండ్ నుంచీ నిప్పులు చెరగడంతో ఢిల్లీ బ్యాటర్లు క్రీజులోనే నిలవలేకపోయారు. ఫలితంగా ఈ సీజన్‌లో మరో భారీ విజయాన్ని ఆర్సీబీ తన ఖాతాలో వేసుకుంది.

న్యూఢిల్లీ , ఏప్రిల్ 27 : టాస్ గెలిచిన బెంగళూరు మరో ఆలోచన లేకుండా ఫీల్డింగ్ ఎంచుకుంది. గత మ్యాచ్ లో 264 పరుగుల రికార్డు స్కోరు సాధించడంతో ఢిల్లీ క్యాపిటల్స్ మరోసారి అలాంటి బ్యాటింగ్ చేస్తుందని అంతా అనుకున్నారు. తీరా చూస్తే సీన్ మొత్తం రివర్స్ అయింది. అసలు ఆడుతోంది ఢిల్లీ జట్టా లేక గల్లీ జట్టా అన్న రీతిలో బ్యాటింగ్ సాగింది. ఆర్సీబీ పేసర్లు భువనేశ్వర్, హ్యాజిల్ వుడ్ నిప్పులు చెరిగారు.

చెరొక ఎండ్ నుంచి ఢిల్లీ బ్యాటర్లను అసలు క్రీజులో నిలిచే అవకాశం కూడా ఇవ్వలేదు. ఈ సీజన్‌లో ఇలాంటి బ్యాటింగ్ ఆర్డర్ ఇంత దారుణంగా కుప్పకూలడం ఇదే తొలిసారి. కేవలం 8 పరుగులకే 6 వికెట్లు కోల్పోయి ఐపీఎల్ చరిత్రలోనే అత్యల్ప స్కోరుకు ఆలౌటయ్యే ప్రమాదం ముంగిట నిలిచింది. ఈ దశలో ఇంపాక్ట్ ప్లేయర్ గా వచ్చిన అభిషేక్ పోరెల్, డేవిడ్ మిల్లర్ తో కలిసి ఢిల్లీని ఆదుకునే ప్రయ త్నం చేశాడు. వీరిద్దరూ ఏడో వికె ట్‌కు 35 పరుగులు జోడించ డం స్కోరు 50 దా టగలిగింది.

మిల్లర్ 19 పరుగులకు ఔటవగా.. జేమీసన్ 12, పోరెల్ 30 పరుగులు చేశారు. ఢిల్లీ ఇన్నింగ్స్ లో ఏడుగురు బ్యాటర్లు సింగిల్ డిజిట్ కే ఔటయ్యారు. దీంతో ఢిల్లీ క్యాపిటల్స్ 75 పరుగులకే ఆలౌటై సీజన్‌లో అత్యల్ప స్కోరు నమోదు చేసింది. అద్భుతంగా బౌలింగ్ చేసిన భువనేశ్వర్ కేవలం 5 పరుగులే ఇచ్చి 3 వికెట్లు తీసాడు. అలాగే హ్యాజిల్ వుడ్ 12 పరుగులకు 4 వికె ట్లు పడగొట్టాడు.అనంతరం స్వల్పలక్ష్యఛేదనలో రాయల్ ఛాలెంజర్స్ బెంగళూరు దూకుడుగా ఆడింది.

ఓపెనర్లు బెథెల్, విరాట్ కోహ్లీ ధాటిగా ఆడారు. బెథల్ 11 బంతుల్లో 1 ఫోర్లు 2 సిక్సర్లతో 20 పరుగులు చేసి ఔటవగా.. తర్వాత కోహ్లీ, పడిక్కల్ ఆర్సీబీ విజయాన్ని పూర్తి చేశారు. వీరిద్దరి జోరు తో 6.3 ఓవర్లలోనే 1 వికెట్ కోల్పోయి లక్ష్యాన్ని ఛేదించింది. కోహ్లీ 15 బంతుల్లో 23 (1 ఫోర్, 2 సిక్సర్లు) , పడిక్కల్ 13 బంతుల్లో 34 (3 ఫోర్లు, 3 సిక్సర్లు) పరుగులతో నాటౌట్ గా నిలిచారు. దీంతో ఈ సీజన్ లో బెంగళూరు ఆరో విజయాన్ని ఖాతాలో వేసుకుంది. ప్రస్తుతం 12 పాయింట్లతో రెండో స్థానంలో కొనసాగుతోంది.      

స్కోరు బోర్డు 

ఢిల్లీ క్యాపిటల్స్ ఇన్నింగ్స్ : 75 ఆలౌట్ ( పోరెల్ 30, మిల్లర్ 19 , జేమీసన్ 12 ; భువనేశ్వర్ కుమార్ 3/5, హ్యాజిల్‌వుడ్ 4/12 , సుయాశ్ శర్మ 1/7)

రాయల్ ఛాలెంజర్స్ బెంగళూరు ఇన్నింగ్స్ : 77/1 (6.3 ఓవర్లు) ( పడిక్కల్ 77, కోహ్లీ 23, బెథెల్ 20 ; జేమీసన్ 1/42 )