కోల్‌కతా: కోల్‌కతా(Kolkata) దాని పరిసర ప్రాంతాల్లో సోమవారం రాత్రి రికార్డు స్థాయిలో వర్షం కురిసింది. భారీ వర్షాలకు దీంతో మంగళవారం పలు ప్రాంతాలు మోకాలి లోతు నీటిలో మునిగిపోయాయి. దీంతో రోజువారీ జీవితం అస్తవ్యస్తమైంది. నగరంలో కనీసం ఏడుగురు విద్యుత్ షాక్‌తో మరణించారని అధికారులు తెలిపారు. నగరం అంతటా 300 మి.మీ.లకు పైగా వర్షపాతం(heavy rain) నమోదైనట్లు అధికారులు వెల్లడించారు. భారీ వర్షాలకు రైలు సేవలు, మెట్రో సేవలు అంతరాయం కలిగింది. కోల్‌కతాలో దాదాపు ప్రతి రహదారి నీటితో నిండిపోవడంతో ట్రాఫిక్ పూర్తిగా స్తంభించిపోయింది. కోల్‌కతా దాని శివారు ప్రాంతాల్లో ఎడతెరిపి లేకుండా కురుస్తున్న వర్షాల కారణంగా విద్యుత్, ఇంటర్నెట్ సేవలు నిలిచిపోయాయి. భారీ వర్షాల కారణంగా అనేక దుర్గా పూజ మండపాలు దెబ్బతిన్నాయి. దీని వలన పూజ నిర్వాహకులకు తీవ్ర అసౌకర్యం కలిగింది. కోల్‌కతాలోని అనేక ఇళ్ళు, నివాస సముదాయాలలోకి రోడ్లు మునిగిపోవడంతో నీరు ప్రవేశించింది. కోల్‌కతా మున్సిపల్ కార్పొరేషన్ (కెఎంసి) నగరం నుండి హుగ్లీ నదిలోకి నీటిని మళ్లించడానికి యుద్ధ ప్రాతిపదికన పనిచేస్తోందని అధికారులు వెల్లడించారు.