రెడ్‌క్రాస్ సేవలు అభినందనీయం

ఏపీ సీఎం చంద్రబాబు 

అమరావతి, జూన్ 24 (విజయక్రాంతి): ఆంధ్రప్రదేశ్‌లో రెడ్‌క్రాస్ చేస్తున్న సేవలను ఏపీ సీఎం చంద్రబాబునాయుడు ప్రశంసిస్తూ మరిన్ని సేవలు అందించాలని ఆకాం క్షించారు.

వైద్యశాఖ మంత్రి వై సత్యకుమార్‌యాదవ్ సమక్షంలో ఇండియన్ రెడ్‌క్రాస్ సొసైటీ, ఆంధ్రప్రదేశ్ రాష్ట్ర చైర్మన్ వైడీ రామారావు, రాష్ట్ర కోశాధికారి పి రామచంద్రరాజులు మంగళవారం సీఎంను కలసి అమరావతి రాజధాని ప్రాంతంలో రెడ్‌క్రాస్ రాష్ట్ర శాఖ కోసం ప్రాధాన్యత గల ప్రాం తంలో భూమిని కేటాయించినందుకు కృతజ్ఞతలు తెలిపారు. రెడ్‌క్రాస్ వాహనాలపై రహదారి పన్ను మినహాయింపు ఇవ్వాలని అభ్యర్థించారు.