కాగజ్‌నగర్,(విజయక్రాంతి): కాగజ్‌నగర్ పట్టణంలోని వసుంధర డిగ్రీ కళాశాల సమీపంలోని వీఐపీ విద్యాసంస్థ యాజమాన్యం డ్రైయిన్‌ ను అక్రమంగా ఆక్రమించి చేపట్టిన నిర్మాణాలను  కాగజ్‌నగర్ మున్సిపల్ కమీషనర్ అంజయ్య(Kagaznagar Municipal Commissioner Anjaiah) ఆధ్వర్యంలో గురువారం తెల్లవారుజాము నుండి జేసీబీతో తొలగించారు. అనుమతులు లేకుండా నిర్మాణాలు చేపడితే చర్యలు తీసుకుంటామని హెచ్చరించారు. ఎటువంటి అవాంఛనీయ సంఘటనలు జరగకుండా ముందస్తుగా కాగజ్‌నగర్ టౌన్ ఎస్‌హెచ్‌ఓ ప్రేమ్ కుమార్, రూరల్ సీఐ శ్రీనివాసరావు ఆధ్వర్యంలో భారీ భద్రత ఏర్పాటు చేశారు. ఈ కార్యక్రమంలో టౌన్ ప్లానింగ్ అధికారి యశ్వంత్,  టీపీబీఓలు, మున్సిపల్ సిబ్బంది పాల్గొన్నారు.