రోడ్డు విస్తరణ 60 ఫీట్లకు తగ్గించాలి

మహబూబాబాద్ (విజయక్రాంతి): మహబూబాబాద్ జిల్లా(Mahabubabad District) కేసముద్రం మున్సిపాలిటీ పరిధిలో రోడ్ల విస్తరణ పనులను 80 ఫీట్లకు బదులు 60 ఫీట్లకు తగ్గించడం వల్ల అనేకమంది వ్యాపారులకు నష్టం కలగకుండా ఉంటుందని పేర్కొన్నారు. ఈ మేరకు బుధవారం పట్టణంలో ప్రధాన రహదారికి ఇరువైపులా ఉన్న వ్యాపార, వాణిజ్య సముదాయాలకు చెందిన యజమానులు రోడ్డు విస్తరణ పనులను 60 అడుగులకు తగ్గించాలని డిమాండ్ చేస్తూ నిరసన ప్రదర్శన నిర్వహించారు.

అభివృద్ధికి తాము అడ్డుకాదని పేర్కొంటూనే 80 అడుగుల విస్తీర్ణం వల్ల అనేక వ్యాపార సంస్థలకు చెందిన షాపులు కూల్చివేతకు గురికావడం జరుగుతుందని, దీంతో ఆర్థికంగా నష్టపోవాల్సిన పరిస్థితి ఏర్పడుతుందని వాపోయారు. రోడ్డు విస్తరణను 60 అడుగులకు తగ్గిస్తే నష్టం కొంత తగ్గుతుందని, ఆదిశగా అధికారులు, ప్రజా ప్రతినిధులు స్పందించాలని కోరారు.