నెరవేరని రొనాల్డో ప్రపంచకప్ కల

కన్నీటి పర్యంతమైన పోర్చుగల్ స్టార్

డల్లాస్, జూలై 7: పోర్చుగల్‌కు ప్రపంచకప్ అందించాలన్న ఆ దేశ సాకర్ స్టార్ క్రిస్టియానో రొనాల్డో కల నెరవేర లేదు. స్పెయిన్ చేతిలో ప్రీ క్వార్టర్స్‌లో పరాజయం పాలైన పోర్చుగల్ టోర్నీ నుంచి నిష్క్రమించింది. ఈ మ్యాచ్ ముగిసిన తర్వాత రొనాల్డో మైదానంలోనే కన్నీటి పర్యంతమయ్యాడు. వరల్డ్‌కప్ కల నెరవేరకపోవడంతో తీవ్ర భావోద్వేగానికి గురయ్యాడు. తనకు ఇదే చివరి ప్రపంచకప్ అని అంతకుముందే రొనాల్డో ప్రకటించాడు.

ప్రపంచ కప్ తర్వాత రొనాల్డో ఆటకు వీడ్కోలు పలుకుతాడని భావించినా అలాంటి ప్రకటన ఏమీ చేయలేదు. తాను ఇకపై ఎలాంటి తొందరపాటు నిర్ణయాలు తీసుకోనని తెలిపాడు. కాగా 2006లో రొనాల్డో ప్రపంచకప్ అరంగేట్రం చేశాడు. అప్పటి నుంచి వరల్డ్ కప్‌లో రొనాల్డో తనదైన మార్క్ కనబరుస్తూ వస్తున్నాడు. రొనాల్డో తన సుదీర్ఘ కెరీర్లో మొత్తం 27 ప్రపంచకప్ మ్యాచ్‌లు ఆడి 11 గోల్స్ చేశాడు. అతని కెరీర్‌కు తగినట్లుగానే, ప్రపంచ కప్ చరిత్రలో అతను చేసిన ఏకైక నాకౌట్-స్టేజ్ గోల్ క్రొయేషియాపై నమోదైంది.

21 ఏళ్ల వయసులో రొనాల్డో తన మొదటి ప్రపంచకప్ ఆడాడు. ఆ ఏడాది పోర్చుగల్ సెమీఫైన ల్స్ వరకు దూసుకెళ్లింది. ఇదే రొనాల్డో కెరీర్‌లో అత్యుత్తమ ప్రపంచకప్ ప్రదర్శన. అయితే ఆ తర్వాత అంతకంటే పెద్ద విజయాలను అందుకోలేకపోయాడు. క్లబ్, వ్యక్తిగతంగా ఎన్నో అద్భుత విజయాలను అందుకున్న రొనాల్డో ప్రపంచకప్ గెలవాలన్న ఆశ మాత్రం నెరవేరకుండానే తన ప్రయాణాన్ని ముగించాడు.