హైదరాబాద్: ఓల్డ్ సిటీలోని(Old City) భవానీనగర్‌లో శనివారం రాత్రి గుర్తు తెలియని వ్యక్తులు ఒక రౌడీ షీటర్‌పై కత్తులతో దాడి చేశారు. తల్లాబ్‌కట్ట నివాసి మహ్మద్ సాబెర్ (30) అనే వ్యక్తి ఒక హోటల్ సమీపంలో నిలబడి ఉండగా, కొంతమంది గుర్తు తెలియని వ్యక్తులు అతనితో గొడవకు దిగి పదునైన ఆయుధాలతో దాడి చేయడంతో గాయపడ్డారు. స్థానికుల సమాచారంతో ఘటనాస్థలికి చేరుకున్న పోలీసులు అతన్ని ఆసుపత్రికి తరలించారు. అక్కడ వైద్యులు అతనికి చికిత్స అందిస్తున్నారు. ఈ ఘటనపై కేసు నమోదు చేసి దర్యాప్తు చేస్తున్నామని పోలీసులు వెల్లడించారు. పాత కక్షలే ఈ దాడికి కారణమని పోలీసులు అనుమానిస్తున్నారు.