రుద్రమదేవి షోటోకాన్ కరాటే సెల్ఫ్ డిఫెన్స్ సమ్మర్ క్యాంప్

శిక్షణ పొందిన పిల్లలకు సర్టిఫికెట్ల అందజేత

సికింద్రాబాద్ పార్లమెంట్ జాయింట్ కన్వీనర్ ఎ.వినయ్ కుమార్

ముషీరాబాద్, జూన్ 25 (విజయక్రాంతి): గాంధీనగర్ డివిజన్ చిక్కడపల్లి వివేక్ నగర్ లోని జనతా పార్క్ లో కరాటే మాస్టర్ కే. నారాయణ ఆధ్వర్యంలో ఏర్పాటు చేసిన రుద్రమదేవి షోటోకాన్ కరాటే సెల్ఫ్ డిఫెన్స్ వేసవి శిక్షణా శిబిరంలో  సమ్మర్ క్యాంప్ శిక్షణ పొందిన పిల్లలకు సర్టిఫికెట్ లను బుధవారం అందచేశారు.

ఈ కార్యక్రమానికి ముఖ్య అతిథిగా హాజరైన బిజెపి సికింద్రాబాద్ పార్లమెంట్ జాయింట్ కన్వీనర్ ఎ. వినయ్ కుమార్, షోటోకాన్ కరాటే సెల్ఫ్ డిఫెన్స్ లో శిక్షణ పూర్తి చేసుకునీ తమ ప్రతిభ కనబరిచిన పిల్లలకు సర్టిఫికెట్ లను అందచేసారు.

ఆయన మాట్లాడుతూ, షోటోకాన్ కరాటే సెల్ఫ్ డిఫెన్స్ శిక్షణతో పిల్లలకు ఆత్మరక్షణలో పాటు శరీర ధారుడ్యం, మానసిక ఆరోగ్యం చేకూరుతుందని అన్నారు. ఇలాంటి శిక్షణ కేంద్రాలను ఏర్పాటు చేసి యువతను ప్రోత్సహిస్తున్న రుద్రమదేవి షోటోకాన్ కరాటే సెల్ఫ్ డిఫెన్స్ సంస్థ వారిని అభినందించారు. ఈ కార్యక్రమంలో సంస్థ ఫౌండర్ ఎన్.లక్ష్మి, చీఫ్ ఎగ్జామినర్ డా‘ రవి, జి.నర్సింగ్, నిజాంభాయ్, వెంకట్ తదితరులు  పాల్గొన్నారు.