నవీ ముంబై, జనవరి 11 : టీ20 ఫార్మా ట్ అంటేనే బౌండరీలు, సిక్సర్లతో హోరెత్తుతుంది. ఒకే ఓవర్లో 30 పరుగుల కంటే ఎక్కువ ఈ మధ్యన తరచుగా కనిపిస్తున్నా యి. అయితే కేవలం పురుషుల క్రికెట్‌లో మాత్రమే కాదు ఈ తరహా విధ్వంసం మహిళల క్రికెట్‌లోనూ మొదలైపోయింది. వుమె న్స్ ప్రీమియర్ లీగ్‌లో న్యూజిలాండ్ బ్యాటర్ సోఫీ డివైన్ ఆకాశమే హద్దుగా చెలరేగిపోయింది. గుజరాత్  జెయింట్స్‌కు ప్రాతిని థ్యం వహిస్తున్న ఆమె ఢిల్లీ క్యాపిటల్స్‌పై వి ధ్వంసం సృష్టించింది.

ముఖ్యంగా స్నేహరాణా వేసిన ఆరో ఓవర్లో చుక్కలు చూపిం చింది. ఏకంగా 32 పరుగులు రాబట్టింది. తొలి రెండు బంతులకు 2 ఫోర్లు కొట్టిన సోఫీ డివైన్ తర్వాత వరుసగా నాలుగు సిక్స ర్లు బాదింది. దీంతో కేవలం 25 బంతుల్లోనే హాఫ్ సెంచరీ సాధించింది. ఈ మ్యాచ్‌లో సోఫీ 42 బంతుల్లో 95 (7 ఫోర్లు, 8 సిక్సర్లు) రన్స్ చేసింది. ఆమె బ్యాటింగ్‌కు స్నేహారాణా డబ్ల్యూపీఎల్ చరిత్రలోనే ఒకే ఓవర్లో అత్యధిక పరుగులు ఇచ్చిన బౌలర్‌గా చెత్త రికార్డును ఖాతాలో వేసుకుంది.