క్రీడలతోనే మానసిక ఉల్లాసం

సర్పంచ్ ఆశ బోయిన అక్షర శ్రీనివాస్

కామారెడ్డి,(విజయక్రాంతి): సంక్రాంతి పండుగను పురస్కరించుకొని కామారెడ్డి జిల్లా దోమకొండ మండలం ముత్యంపేట గ్రామంలో క్రికెట్ పోటీలను అత్యంత ఉత్సాహంగా నిర్వహించారు. గ్రామ సర్పంచ్ మాట్లాడుతూ యువతను చెడు వ్యసనాలకు దూరం చేసి, వారిని శారీరకంగా, మానసిక చురుగ్గా ఉంచేందుకే ఈ పోటీలు నిర్వహిస్తున్నట్లు తెలిపారు.

క్రీడా స్ఫూర్తితో ఆటల్లో పాల్గొని గ్రామానికి మంచి పేరు తీసుకురావాలని కోరారు. క్రికెట్ పోటీలో గెలుపొందిన వారికి బహుమాతులు అందజేశారు. అనంతరం యువకులకు 7500 రూపాయలతో క్రికెట్ కిట్టు అందజేశారు. ఈ కార్యక్రమంలో గ్రామ ప్రజా ప్రతినిధులు, క్రీడాకారులు, గ్రామస్తులు తదితరులు పాల్గొన్నారు.