పింక్ ఎలిఫెంట్ పిక్చర్స్ బ్యానర్‌పై రెండో చిత్రం ప్రారంభమైంది. ప్రీ ప్రొడక్షన్ పనులు శరవేగంగా జరుగుతున్నాయి. ఈ సినిమాకు మానసశర్మ దర్శకత్వం వహిస్తుండగా.. ‘మ్యాడ్’ ఫేమ్ సంగీత్ శోభన్ హీరోగా నటిస్తున్నారు. ఆయన సోలో హీరోగా నటించనున్న తొలి సినిమా ఇదే. ఇందులో శోభన్ సరసన హీరోయిన్‌గా నయన్ సారిక నటిస్తోంది.

‘ఆయ్’, ‘క’ వంటి చిత్రాల్లో నటించి మెప్పించిన ఈ బ్యూటీ.. పింక్ ఎలిఫెంట్ పిక్చర్స్ నిర్మించిన ‘హలో వరల్డ్’, ‘బెంచ్‌లైఫ్’ వంటి వెబ్ సిరీస్‌ల ద్వారా తెలుగు తెరకు పరిచయమైంది. వెన్నెల కిషోర్, బ్రహ్మాజీ, తనికెళ్ల భరణి, ఆశిష్ విద్యార్థి, గెటప్ శీను, సుఖ్వీందర్ సింగ్ ముఖ్య తారాగణంగా ఉన్న ఈ చిత్రానికి సంగీతం: అనుదీప్ దేవ్; నిర్మాత: నిహారిక కొణిదెల; స్క్రీన్‌ప్లే;డైలాగ్స్: మహేశ్ ఉప్పాల, మానసశర్మ; కథ మానసశర్మ.