కమణీయం సీత రాముల కళ్యాణం

జగదేవపూర్,(విజయక్రాంతి): జగదేవపూర్ మండల పరిదిలోని ప్రసిద్ధ పుణ్య క్షేత్రం రాముని బండ ఆలయం లో శ్రీరామ నవమి పురస్కరించుకొని  సీత రాములా కళ్యాణం గ్రామ సర్పంచ్ రజితఅశోక్ ఆధ్వర్యంలో కన్నుల పండుగగా జరిగింది. భక్తులు భారీగా తరలి వచ్చి స్వామి వారి కళ్యాణం తిలకించి పులకించిపోయారు. స్వామి వారికీకొబ్బరి కాయలు కొట్టి మొక్కులు చెల్లించుకున్నారు.కోరిన కోరికలు తీర్చే కోదండ రామయ్య నామం తో రాముని బండ క్షేత్రం మారుమోగింది. ఈ కార్యక్రమంలో ఉప సర్పంచ్ నర్సింలు, కాంగ్రెస్ పార్టీ సీనియర్ నాయకులు హనుమంత రెడ్డి, వార్డు సభ్యులు,ఆలయ దాతలు, అర్చకులు,గ్రామ ప్రజలు తదితరులు పాల్గొన్నారు.