వెల్దండ పోలీస్ స్టేషన్ ను ఆకస్మిక తనిఖీ చేసిన జిల్లా ఎస్పీ గైక్వాడ్  వైభవ్ రఘునాథ్

కల్వకుర్తి: కల్వకుర్తి సబ్ డివిజన్ వెల్దండ పోలీస్ స్టేషన్ ను గురువారం జిల్లా ఎస్పీ గైక్వాడ్ వైభవ్ రఘునాథ్ ఆకస్మికంగా తనిఖీ చేశారు. అనంతరం రికార్డులు, క్రైమ్ ఫైల్స్, పోలీస్ స్టేషన్ పరిసర ప్రాంతాలను పరిశీలించారు. కేసుల దర్యాప్తులో సాంకేతికత పరిజ్ఞానాన్ని తప్పనిసరిగా వినియోగించాలని సూచించారు. ప్రజలతో మర్యాదగా ఉండాలని, పోలీసుల పట్ల గౌరవం పెంపొందేలా విధులు నిర్వర్తించాలని, పోలీస్ స్టేషన్ పరిసర ప్రాంతాలంతా పరిశుభ్రంగా ఉంచుకోవాలని, పోలీస్ స్టేషన్ పరిధిలో గల ప్రతి గ్రామం పైన సిబ్బంది అందరికీ అవగాహన కలిగి ఉండాలని, పెట్రోలింగ్, బ్లూ కోర్ట్ విధులు విధిగా నిర్వహించాలని సిబ్బందికి  సూచించారు.