నాగిరెడ్డిపేట్,(విజయక్రాంతి): మండల కేంద్రంలోని ప్రాథమిక ఆరోగ్య కేంద్రంలో తేది.30-3-2026  ప్రజాపాలన ప్రగతి ప్రణాళికలో భాగంగా ప్రాథమిక ఆరోగ్య కేంద్రంలో ప్రత్యేక స్పెషలిస్ట్ మెగా హెల్త్ క్యాంప్ను నిర్వహించడం జరుగుతుందనీ వైద్యాధికారులు సృజన్ కుమార్ తెలిపారు. ఈ సందర్భంగా డాక్టర్ సుజన్ కుమార్ మాట్లాడుతూ... ఈ శిబిరంలో జనరల్ ఫిజీషియన్, గైనకాలజిస్ట్, (స్త్రీ వైద్య, ప్రసూతి నిపుణులు) ఆర్థోపెడిక్స్, కంటి సమస్యల, డెంటల్, పీడియాట్రిక్స్, పరీక్షలకు సంబంధించిన డాక్టర్లులు పాల్గొంటారు. కావున ఉదయం 9 గంటల నుండి మధ్యాహ్నం 1 వరకు క్యాంపు నిర్వహించడం జరుగుతుందని, క్యాంపుకు వచ్చేవారు ఆధార్ కార్డు, ఫోన్ నెంబర్ తప్పనిసరిగా తీసుకురావాలని ఈప్రత్యేక ఆరోగ్య శిబిరాన్ని మండలంలోని ప్రజలందరూ సద్వినియోగం చేసుకోవాలని ప్రాథమిక ఆరోగ్య వైద్యాధికారి సృజన్ కుమార్ తెలిపారు.