ఇతర మండలాలకు ఇసుక రవాణా ఆపండి

వెల్దుర్తి, ఫిబ్రవరి 11 : వెల్దుర్తి మండలం మెల్లూరు గ్రామంలోని హ ల్దీ వాగు నుండి ఇతర మండలాలకు ఇసుక రవాణాను ఆపాలని మెల్లూరు సర్పంచ్ రంగారెడ్డి అధికారులకు విజ్ఞ ప్తి చేశారు. బుధవారం గ్రామ సమీపంలోని హల్ది వాగులో విచ్చలవిడిగా ఇత ర మండలాల నుండి ఇసుక నింపేందుకు ట్రాక్టర్లు వాగులోకి రాగా వాటిని అడ్డుకొని మెల్లూరు గ్రామస్తులతో కలిసి వెనక్కు పంపారు.

వెల్దుర్తి మండలంలోని చుట్టుపక్కల గ్రామాలకు ప్రభుత్వ గృహ నిర్మాణ లకు ఇసుక తరలిస్తే సరేనని అలాకాకుండా ఇతర మండలాలకు తమ గ్రామం నుండి ఇసుకను తరలిస్తే భూగర్భ జలాలు అడగంటి త్రాగు, సాగు, నీటి సమస్య ఏర్పడుతుందని తెలిపారు. అంతేకాకుండా గ్రామ సమీపంలోని హల్ది వాగులో ఇసుక నిలువలు ఎప్పటికీ తక్కువగా ఉన్నాయని ఆవేదన వ్యక్తం చేశారు.