సుల్తానాబాద్ చైర్మన్ ఎన్నిక వాయిదా

1. సుల్తానాబాద్ మున్సిపల్ నూతనంగా ఎన్నికైన సభ్యుల ప్రమాణ స్వీకారోత్సవం.  
2. చైర్మన్, వైస్ చైర్మన్ ఎన్నిక కార్యక్రమం రేపటికి వాయిదా.

సుల్తానాబాద్,(విజయక్రాంతి): పెద్దపల్లి జిల్లా సుల్తానాబాద్ మున్సిపల్(Sultanabad Municipal) నూతనంగా ఎన్నికైన సభ్యుల ప్రమాణ స్వీకారోత్సవం, చైర్మన్, వైస్ చైర్మన్ ఎన్నిక సోమవారం జరగవలసి ఉండగా కోరం లేక వాయిదా పడింది. ప్రమాణ స్వీకార కార్యక్రమానికి ఉదయం 10.30 గంటలకు మున్సిపల్ కార్యాలయనికి చేరుకోవాల్సినకౌన్సిలర్లు, మధ్యాహ్నం ఒకటిన్నర వరకు ఎవరు రాకపోవడంతో ప్రమాణ స్వీకారం మంగళవారానికి వాయిదా వేస్తున్నట్లు సుల్తానాబాద్ మున్సిపాలిటీ  ఎన్నికల అధికారి వీర బుచ్చయ్య తెలిపారు. ఎన్నికల అధికారి వెంట మున్సిపల్ కమిషనర్ రమేష్, ఏఆర్ఓ పెద్దపల్లి లచ్చన్న , టిఓ టి రాజేందర్  పలువురు ఉన్నారు.