హైదరాబాద్: జెప్టో, రిలయన్స్ జియోమార్ట్, బ్లింకిట్, బిగ్‌బాస్కెట్, జొమాటో, స్విగ్గీ, ఫ్లిప్‌కార్ట్, అమెజాన్, స్థానిక యూనిట్లు వంటి ప్రధాన ఇ-కామర్స్, క్విక్-కామర్స్ ప్లాట్‌ఫారమ్‌లు నిర్వహిస్తున్న గిడ్డంగులపై ఆహార భద్రత కమిషనరేట్ ప్రత్యేక ఎన్‌ఫోర్స్‌మెంట్ డ్రైవ్ నిర్వహించింది. ఈ ఆపరేషన్ సమయంలో అధికారులు 75 గిడ్డంగులను తనిఖీ చేశారు. 98 ఎన్‌ఫోర్స్‌మెంట్ నమూనాలను, 124 నిఘా నమూనాలను తదుపరి పరీక్ష కోసం సేకరించారు. 

ఈ తనిఖీలో 1,903 యూనిట్ల గడువు ముగిసిన ఆహార పదార్థాలు, ఉత్పత్తులను స్వాధీనం చేసుకున్నారు. వీటిని తప్పుగా బ్రాండ్ చేసినట్లు, తప్పుదారి పట్టించే లేబుల్‌లను కలిగి ఉన్నట్లు అధికారులు గుర్తించారు. అదనంగా, అధికారులు 76 కిలోల గడువు ముగిసిన పాత ఆహారాన్ని గమనించారు. వాటిలో కుళ్ళిన కూరగాయలు, అసురక్షిత వినియోగ వస్తువులు ఉన్నాయి. నిబంధనలు పాటించని 32 సంస్థలకు నోటీసులు జారీ చేశారు. ఇకపై నిబంధనలు పాటించకపోతే జరిమానాలు, కఠినమైన చట్టపరమైన చర్యలు తీసుకుంటామని ఆహార భద్రత అధికారులు హెచ్చరించారు.