1. ప్రాణాలకు తెగించి పోరాడాడు
   

శాసనమండలి ప్రతిపక్ష నేత సిరికొండ మధుసూదనాచారి

ఘనంగా దీక్షా దివస్ నిర్వహణ

మహబూబాబాద్, నవంబర్ 29 (విజయక్రాంతి): కేసీఆర్ పోరాటం వల్లే తెలం గాణ రాష్ట్రం సిద్ధించిందని శాసనమండలి ప్రతిపక్ష నేత, ఎమ్మెల్సీ సిరికొండ మధుసూదనాచారి అన్నారు. రాష్ట్ర సాధన కోసం కేసీఆర్ 2009 చేపట్టిన ఆమరణ దీక్షను పురస్కరించుకొని  హనుమకొండలోని నక్కలగుట్ట సమీపంలో కాళోజీ విగ్రహం వద్ద దీక్షా దివస్ కార్యక్రమాన్ని శనివారం నిర్వహించారు.మొదట తెలంగాణ రాష్ట్ర సాధన లో అసువులు బాసిన వారికి మౌనం పాటించి నివాళులర్పించారు. అనంతరం తెలంగాణ తల్లి విగ్రహానికి పూలమాల వేశారు. 

కాళోజీ విగ్రహానికి పూలమాల వేసి నివాళులర్పించారు. కేసీఆర్ చిత్రపటానికి పాలాభిషేకం నిర్వహించారు. ఈ సందర్భంగా మధుసూదన చారి మాట్లాడుతూ తెలంగాణ రాష్ట్ర ఏర్పాటే లక్ష్యంగా 14 ఏండ్లు అకుంఠిత దీక్షతో ఉద్యమాన్ని కేసీఆర్ నిర్వహించాడని కొనియాడారు.

తెలంగాణ అణు వణువూ తెలిసి, ప్రజల గోసలను ప్రపంచానికి తెలిపి, స్వరాష్ట్రాన్ని సాధించిన ఉద్యమ నేత కేసీఆర్ అని, 4 కోట్ల తెలంగాణ ఆకాంక్షను నెరవేర్చిన కారణజన్ముడు కేసీఆర్ అని పేర్కొన్నారు. రాజ్యసభ మాజీ సభ్యుడు కెప్టెన్ లక్ష్మీకాంత రావు , బీఆర్‌ఎస్ పార్టీ హనుమకొండ జిల్లా అధ్యక్షులు దాస్యం వినయ్ భాస్కర్ తదితరులు మాట్లాడారు. ఈ కార్యక్రమంలో పెద్ద ఎత్తును బీఆర్‌ఎస్ శ్రేణులు పాల్గొన్నారు.