బర్డ్ వాక్ కార్యక్రమం విజయవంతం చేయాలి

జిల్లా అటవీ శాఖ అధికారి జోజి 

మెదక్, జూన్ 5 (విజయ క్రాంతి) : ప్రకృతి పరిరక్షణ, పక్షుల సంరక్షణపై అవగాహన పెంపొందించే లక్ష్యంతో నిర్వహించబడే బర్డ్ వాక్ కార్యక్రమంను విజయ వంతం చేయాలని జిల్లా అటవీ శాఖ అధికారి జోజి అన్నారు. రేపు జరగబోయే బర్డ్ వాక్ కార్యక్రమంలో జిల్లా కలెక్టర్ ప్రతిమా సింగ్, అదనపు కలెక్టర్ నగేష్,జిల్లా అధికారులు పాల్గొననున్నారని పేర్కొన్నారు. పోచారం ల్యాండ్స్కేప్ యొక్క గొప్ప పక్షి వైవిధ్యం, సహజ వారసత్వం పట్ల ప్రశంసను ప్రోత్సహించడానికి శనివారం  ఉదయం 6.30 నుండి 8.00 గంటల వరకు పోచారంలోని డిబిసిలో నిర్వహించబడే బర్డ్ వాక్లో ప్రజలందరూ పాల్గొనాలని తెలిపారు. పోచారం జలాశయం ,

అభయారణ్యం చుట్టూ ఉన్న పోచారం ప్రాంతం, వలస నీటి పక్షులు, కొంగలు, ఐబిస్లు, బాతులు  అనేక అటవీ ప్రాంతాలతో సహా విభిన్న పక్షి జీవనానికి ప్రసిద్ధి చెందిందన్నారు. ఇది ఒక ముఖ్యమైన పక్షి వీక్షణ గమ్యస్థానంగా నిలుస్తుందనీ ప్రకృతి ప్రేమికులు, విద్యార్థులు, అధికారులు పాల్గొని వివిధ రకాల పక్షులను విక్షించాలని , పక్షుల జీవన విధానం, వలస పక్షుల ప్రాముఖ్యత, పర్యావరణ సమతుల్యతలో వాటి పాత్ర గురించి ,పక్షుల సంరక్షణకు ప్రతి ఒక్కరూ తమ వంతు బాధ్యతగా చెట్లు నాటడం, నీటి వనరులను కాపాడడం, పర్యావరణాన్ని పరిశుభ్రంగా ఉంచడం అవసరం అన్నారు, ప్రకృతిని దగ్గరగా ఆస్వాదిస్తూ పర్యావరణ పరిరక్షణపై అవగాహన పెంపొందించుకోవడానికి బర్డ్ వాక్ వంటి కార్యక్రమాలు ఎంతో ఉపయోగపడతాయని  తెలిపారు.