1. ఆ పాత్ర నేను ధరించదలుచుకోలేదు
2. అందుకు హార్వర్డ్ ప్రొఫెసర్లే ఉత్తములు 
3. తెలంగాణ రైజింగ్ బ్రాండ్ అంబాసిడర్లుగా మారండి
4. విద్యార్థులను కోరిన ముఖ్యమంత్రి రేవంత్‌రెడ్డి

హైదరాబాద్, జనవరి 31 (విజయక్రాంతి): అమెరికా పర్యటనలో ఉన్న ముఖ్య మంత్రి రేవంత్‌రెడ్డి  ప్రఖ్యాత హార్వర్డ్ యూనివర్సిటీలో లీడర్‌షిప్ కోర్సు పూర్తి చేసిన సంగతి తెలిసిందే. ఈ నెల 25 నుంచి 30 వరకు ‘లీడర్‌షిప్ ఫర్ ది ట్వంటీ ఫస్ట్‌సెంచరీ’ పేరిట నిర్వహించిన తరగతులకు ఆయన హాజరయ్యారు. తన అధికారిక కార్యక్రమాల చివరి రోజు సందర్భంగా శనివారం సీఎం రేవంత్‌రెడ్డి హార్వర్డ్ యూనివర్సిటీలో వివిధ ప్రతినిధి బృందాలతో భేటీ అయ్యారు.

హార్వర్డ్ విశ్వవిద్యాలయానికి చెందిన వివిధ పాఠశాలల విద్యార్థులు, పూర్వ విద్యార్థులతో పాటు, మసాచుసెట్స్ ఇనిస్టిట్యూట్ ఆఫ్ టెక్నాలజీ, కొలంబియా విశ్వవిద్యాలయం వంటి ప్రముఖ విద్యాసంస్థల విద్యార్థులు, అలుమ్నీలతోనూ సీఎం సమావేశమయ్యా రు. ఈ సందర్భంగా ఈ సమావేశాల్లో నా యకత్వం, విజయానికి సంబంధించిన అం శాలు, ఆర్థికవృద్ధి, అభివృద్ధి నమూనాలు, సుస్థిరత, పర్యావరణ సవాళ్లు, రైతులు, -మహిళలు-, యువతకు సంక్షేమ విధానాలు వంటి అంశాలపై విస్తృతంగా చర్చించారు.

ముఖ్యమంత్రి పరిపాలనపై తన దక్పథాన్ని మార్పు దిశగా నాయకత్వం వహించడంలో ఉన్న సవాళ్లతో పాటు తన దీర్ఘకాలిక విజన్ తెలంగాణ రైజింగ్  2047 కోర్ పిల్లర్లను వివరించారు. సమగ్ర వృద్ధి, భాగస్వామ్య భాగస్వామ్యం (స్టేక్ హోల్డర్ పార్టిసిపేషన్), శక్తివంతీకరణ ఆధారిత అభివృద్ధికి ఈ విజన్ కల్పించే అవకాశాలను ఆయన వివరించారు. ఈ సందర్భంగా ఒక విద్యార్థుల బృం దం తమకు నాయకత్వం గురించి బోధించాలని కోరగా అందుకు హార్వర్డ్ ప్రొఫెసర్లే ఉత్తములు అని ఈ విషయంలో తాను మోసపూరిత ప్రొఫెసర్ పాత్రను ధరించదలుచుకోలేదని సీఎం రేవంత్ సరదాగా వ్యాఖ్యానించారు.

పరస్పర సంభాషణ, అనుభవాలు పంచుకోవడం, పరస్పర అధ్యయ నం ఆధారంగా జరిగే సార్థక ద్విముఖ చర్చలకే తాను ప్రాధాన్యం ఇస్తానని తెలిపారు. దేశ భవిష్యత్‌కు తెలంగాణ, హైదరాబాద్ ఆదర్శంగా నిలుస్తోందని భారతదేశంతో అనుసంధానం పెంచుకొని పనిచేయాలని విద్యార్థులకు సీఎం పిలుపునిచ్చారు. “తెలంగాణ రైజింగ్ బ్రాండ్ అంబాసిడర్లుగా మారండి” అని విద్యార్థులకు సీఎం పిలుపునిచ్చారు. దీంతో సానుకూలంగా స్పందిం చి న విద్యార్థులు తెలంగాణ అభివృద్ధి పథంలో తమ నైపుణ్యాన్ని, శక్తిసామర్థ్యాన్ని వినియోగించేందుకు సిద్ధంగా ఉన్నామని రాష్ట్ర గ్లోబల్ ప్రతిష్ఠను మరింత బలోపేతం చేయడానికి కట్టుబడి ఉన్నామని తెలిపారు.