ఆది సాయికుమార్ హీరోగా రూపొందుతున్న చిత్రం ‘శంబాల’. యుగంధర్ ముని దర్శకత్వంలో తెరకెక్కుతున్న ఈ చిత్రాన్ని షైనింగ్ పిక్చర్స్ బ్యానర్‌పై రాజశేఖర్ అన్నభిమోజు, మహీధర్‌రెడ్డి నిర్మిస్తున్నారు. అర్చన అయ్యర్, స్వసిక, రవివర్మ, మధునందన్, శివ కార్తీక్ కీలక పాత్రల్ని పోషిస్తున్న ఈ సినిమాను డిసెంబర్ 25న రిలీజ్ చేయబోతోన్నారు. తాజాగా ఈ ‘శంబాల’ మిస్టిక్ ట్రైలర్‌ను నేచురల్ స్టార్ నాని ఆదివారం విడుదల చేశారు. ఈ సందర్భంగా నాని మాట్లాడుతూ.. “శంబాల’ చాలా ప్రామిసింగ్‌గా ఉంది. ఇలాంటి జానర్ చిత్రాల్నే ఆడియెన్స్ ఇప్పుడు కోరుకుంటున్నారు. ఆది మంచి నటుడు, మంచి డ్యాన్సర్. మంచి నటుడికి మంచి సినిమా పడితే ఎలా ఉంటుందో ప్రత్యేకంగా చెప్పాల్సిన పని లేదు. ‘శంబాల’తో ఆదికి మంచి విజయం దక్కాలి.

ఈ మూవీ టీమ్‌కు ఆల్ ది బెస్ట్‌” అన్నారు. ఇక ట్రైలర్‌ను గమనిస్తే.. ఆకాశం నుంచి ఓ ఉల్క పడటంతో ట్రైలర్ మొదలైంది. ‘పంచభూతాల్ని శాసిస్తుందంటే ఇది సాధారణమైనది కాదు’ అనే డైలాగ్‌తో ఆ ఉల్క శక్తిని చూపించారు. ఇక ఊర్లో అందరూ వింతగా ప్రవర్తిస్తుండటం, ఆ ఉల్కను కట్టడి చేసేందుకు పూజలు చేయడం, మఠాధిపీఠాల్ని తీసుకు రావడం చూపించారు. ఇక మిస్టరీని ఛేదించేందుకు నాస్తికుడైన హీరో రంగంలోకి దిగడం మీ ‘కాశీ, కాకమ్మ, మజిలీ కథలు ఊరి జనాలకు చెప్పండి.. నాక్కాదు’ అని అనడం చూస్తే అతని పాత్ర ఎలా ఉండబోతోందో అర్థం చేసుకోవచ్చు. ఊరికి వ్యతిరేకంగా హీరో చేసే పోరుని ట్రైలర్‌లోనే అద్భుతంగా చూపించారు. ఈ చిత్రానికి సంగీతం: శ్రీచరణ్ పాకాల; డీవోపీ: ప్రవీణ్ కే బంగారి; యాక్షన్స్: రాజ్‌కుమార్; ఎడిటర్: శ్రవణ్ కటికనేని; ఆర్ట్: జేకే మూర్తి.