1. నేషనల్ హెరాల్డ్ కేసులో కీలక పరిణామం
2. మరో ఎఫ్‌ఐఆర్ నమోదు చేసిన ఢిల్లీ పోలీసులు

న్యూఢిల్లీ, నవంబర్ 30 : నేషనల్ హెరాల్డ్ కేసులో కీలక పరిణామం చోటు చేసుకుంది. మనీలాండరింగ్  కేసులో ఏఐసీసీ అగ్ర నాయకులైన సోనియా గాంధీ, రాహుల్ గాంధీపై ఢిల్లీ పోలీసులు తాజాగా మరో ఎఫ్‌ఐఆర్ నమోదు చేశారు. ఎన్‌ఫోర్స్ మెంట్ డైరెక్టరేట్(ఈడీ) ఇచ్చిన ఫిర్యా దు ఆధారంగా ఢిల్లీ ఆర్థిక నేరాల విభాగం తాజా ఎఫ్‌ఐఆర్‌లో రాహు ల్ గాంధీ, సోనియా గాంధీతో పాటు మోతీలార్ వోరా, ఆస్కార్ ఫెర్నాండేజ్, సుమన్ దూబే, శ్యామ్ పిట్రోడా, యంగ్ ఇండియన్ (వైఐ), డొటెక్స్ మర్చంట్ ప్రైవేట్ లిమిటెడ్ కంపెనీల పేర్లను కూడా చేర్చారు.

వీరు నేరపూరిత కుట్రకు పాల్పడినట్టు ఈడీ ఆరోపిస్తోంది. అయితే.. ఈ కేసులో కోల్‌కతా కేంద్రంగా ఉన్న షెల్ కంపెనీ ‘డోటెక్స్ మర్చండైజ్’ పేరు ను కూడా ఎఫ్‌ఐఆర్‌లో నమోదు చేశారు. డోటెక్స్ ద్వారా జరిగిన ఆర్థిక లావాదేవీలు, అసోసియేటెడ్ జర్నల్స్ లిమిటెడ్‌ను స్వా ధీనం చేసుకోవడంలో జరిగిన అక్రమాలపై పోలీసులు దృష్టి సారించినట్లు తెలుస్తోంది.

ఇందులో రెండు వేల కోట్ల విలువైన ఆస్తులు కలిగిన ఏజేఎల్‌ను రూ.50లక్షలు మాత్రమే చెల్లించి  మోసపూరితంగా స్వాధీనం చేసుకోవడానికి కుట్రపన్నారని ఆరోపించారు. దీని పై ఎఫ్‌ఐఆర్ నమోదు కావడంతో తదుపరి విచారణలో ఎలాంటి చర్యలు తీసుకుంటారనే దానిపై ఉత్కంఠ నెలకొంది. 

కేసు వచ్చే నెల 16కు వాయిదా

నేషనల్ హెరాల్డ్ కేసులో ఈడీ దాఖలు చేసిన చార్జిషీటును పరిగణలోకి తీసుకునే విషయంపై ఢిల్లీ కోర్టు శనివారం వాయిదా వేసింది. ప్రత్యేక జడ్జి విశాల్ గోగ్నే కేసును వచ్చే నెల 16కు వాయిదా వేశారు. ఈ కేసు లో రాహుల్ గాంధీ, సోనియా గాంధీతో పాటు మోతీలార్ వోరా, ఆస్కార్ ఫెర్నాండేజ్, సుమన్ దూబే, శ్యామ్ పిట్రోడా, యం గ్ ఇండియన్ (వైఐ) ప్రైవేట్ కంపెనీ కుట్రతో మనీలాండరింగ్‌కు పాల్పడినట్లు ఈడీ ఆరోపిస్తుంది.

నేషనల్ హెరాల్డ్ పత్రికను ప్రచురిస్తున్న ఏజేఎల్‌కు చెందిన వేలకోట్ల ఆస్తులను నిందితులు కారుచౌకగా హస్తగతం చేసుకున్నారని ఈడీ ఆరోపిస్తోంది. రూ.90కోట్ల రుణం అందించి ఏజేఎల్ ఆస్తు ల్ని అక్రమంగా సొంతం చేసుకున్న యంగ్ ఇండియన్ సంస్థలో 76శాతం వాటాలు గాంధీలే కలిగి ఉన్నారని ఈడీ అభియోగ పత్రంలో పేర్కొంది. తమపై రాజకీయ కక్ష సాధింపులో భాగంగానే ఈ కేసు నమోదు చేశారని, ఏజేఎల్‌ను యంగ్ ఇండియన్ సంస్థ విలీనం చేసుకోవడం నేషనల్ హెరాల్డ్ సంస్థను పునరుద్ధరించేందుకేనని కాంగ్రెస్ నేత సోనియాగాంధీ తదితరులు పేర్కొంటున్నారు.