గ్లోబల్ సమ్మిట్‌లో ‘విజన్ 2047’ఆవిష్కరణకు కసరత్తు

అధికారులకు వ్యవసాయ శాఖ మంత్రి తుమ్మల సూచనలు

హైదరాబాద్, నవంబర్ 29 (విజయక్రాంతి) : తెలంగాణ వ్యవసాయ రంగాన్ని ప్రపంచస్థాయి కి తీసుకెళ్లే లక్ష్యంగా తెలంగాణ వ్యవసాయ- 2047 అగ్రి చాప్టర్ ఉండాలని వ్యవసాయ శాఖ మంత్రి తుమ్మల నాగేశ్వర్‌రావు సూచించారు. డిసెంబర్ నెలలో నిర్వ హించనున్న గ్లోబల్ సమ్మిట్‌లో భాగంగా తెలంగాణ ప్రభుత్వం ‘విజన్ డా క్యుమెంట్ 2047’ను ఆవిష్కరించడానికి సిద్ధమవుతోంది.

ఈ విజన్ డాక్యుమెంట్‌లో కీలక భా గంగా రూపొందుతున్న ‘తెలంగాణ వ్యవసాయ - 2047 అగ్రిచాప్టర్’ భవిష్యత్ వ్యవసాయ అభివృద్ధికి పునాది వేయనుంది. తుది నివేదికపై చర్చించడా నికి శనివారం వ్యవసాయ, మార్కెటింగ్, హ్యాండ్లూమ్స్, టెక్స్‌టైల్స్ శాఖల ఉన్నతా ధికారులతో మంత్రి తుమ్మల సమావేశమయ్యారు. ఈ సందర్భంగా మంత్రి మాట్లాడుతూ... 2047 నాటికి తెలంగాణను 3 ట్రిలియన్ ఎకానమీ లక్ష్యంతో వ్యవసాయరంగం అభివృద్ధి చెందాలని అన్నారు.

రైతు కేంద్రీకృత ప్రణాళికలు, రైతుఆదాయం పెంపు, ఉత్పాదకతలో నాణ్యతా ప్రాముఖ్యత, సాగు లో సాంకేతిక పరిజ్ఞానం వినియోగం వంటి అంశాలను చేర్చాలని ఆయన అధికారులను ఆదేశించారు. రైతులు పండించే ఉత్పత్తులకు మెరుగైన మార్కెటింగ్ అవకాశాలు కల్పించడం, విలువ జోడించే అగ్రి-ప్రాసెసింగ్ వ్యవ స్థలను విస్తృతంగా అభివృద్ధి చేయడం అత్యం త కీలకమని పేర్కొన్నారు.

తెలంగాణను ప్రపంచస్థాయి విత్తనోత్పత్తి కేంద్రంగా అభివృద్ధి చేయడానికి గ్లోబ ల్ సీడ్ హబ్‌గా తీర్చిదిద్దాలన్నారు. ఈ సమావేశంలో వ్యవసాయశాఖ సెక్రటరీ సురేంద్రమోహన్, డైరెక్టర్ గోపి, హార్టికల్చర్ డైరెక్టర్ యాస్మిన్ బాషా, వ్యవసాయ వర్సిటీ వైస్ ఛాన్స్‌లర్ జానయ్య, ఉ ద్యాన వర్సిటీ వైస్ ఛాన్స్‌లర్ రాజిరెడ్డి పాల్గొన్నారు.