ఒకేసారి 3 వేల డ్రోన్లతో ఆకాశంలో..

గ్లోబల్ సమ్మిట్ ముగింపులో నిర్వహణకు సర్కారు సన్నాహాలు

హైదరాబాద్, నవంబర్ 29 (విజయక్రాంతి) : భారత్ ఫ్యూచర్ సిటీలో డిసెంబర్ 9న జరగబోయే తెలంగాణ రైజింగ్ గ్లోబల్ సమ్మిట్ ముగింపు సందర్భంగా గిన్నిస్ వరల్డ్ రికార్డు నెలకొల్పేలా డ్రోన్ షోను నిర్వహించేందుకు రాష్ర్ట ప్రభుత్వం సన్నాహాలు చేస్తోంది. ఒకేసారి 3 వేల డ్రోన్లతో ఆకా శంలో ‘తెలంగాణ ఈస్ రైజింగ్.. కమ్, జాయిన్ ది రైజ్’ అనే అక్షరాల సమాహారం ఆవిష్కరించేలా షో నిర్వహించనున్నారు.

ఇప్పటివరకు డ్రోన్ల తో ఆకాశంలో అత్యంత పొడవైన వాక్యాన్ని ప్రదర్శించిన రికార్డు యునైటెడ్ అరబ్ ఎమిరెట్స్ అబుదాబీ పేరిట ఉంది. 2025 నూతన సంవత్సర వేడుకల సందర్భంగా 2,131 డ్రోన్లతో ‘హ్యాపీ న్యూ ఇయర్’ అనే వాక్యాన్ని ప్రదర్శించి ఈ రికార్డును అందుకుంది. అంతకు మించిన సంఖ్యలో డ్రోన్ల ను ఉపయోగించి గ్లోబల్ సమ్మిట్ ముగింపు వేడుకల్లో అద్భుతమైన డ్రోన్ షో నిర్వహించనుంది.

డ్రోన్ షోతో తెలంగాణ రైజింగ్ నినాదాన్ని గగనతలంలో ప్రదర్శించి ప్రపంచ రికార్డు అధిగమించేందుకు ఏర్పాట్లు చేసు కుంటోంది. అయితే వికసిత్ భారత్-2047 జాతీయ వృద్ధి లక్ష్యాలకు అనుగుణంగా తెలంగాణలోని ప్రజాప్రభుత్వం ‘తెలంగాణ రైజింగ్-2047’ డా క్యుమెంట్‌ను తయారు చేసిన విషయం తెలిసిందే. ఈ లక్ష్యాలను డిసెంబర్ 8, 9 తేదీల్లో హైదరాబాద్‌లో ‘తెలంగాణ రైజింగ్ గ్లోబల్ సమ్మి ట్--2025’లో ప్రదర్శించనున్నారు.