నేడు అమెరికా 250వ స్వాతంత్ర దినోత్సవం

వాషింగ్టన్, జూలై 4: అమెరికన్ పౌరులు ఆదివారం ఘనంగా తమ 250వ దినోత్సవ వేడుకలు జరుపుకోనున్నారు. వాషింగ్టన్ తోపాటు ఈ మేరకు దేశవ్యాప్తంగా అన్నిచోట్ల ఉత్సవాలకు ఏర్పాట్లు పూర్తయ్యాయి. 250 ఏళ్ల మైలురాయి కావడంతో దేశపౌరులు మునుపటికంటే ఉత్సాహంగా వేడుకల్లో భాగస్వాములు కానున్నారు. నగరాలు, పట్టణాలన్నీ పరేడ్స్, మ్యూజికల్ ఈవెంట్స్, సాంస్కృతిక ప్రదర్శనకు ముస్తాబయ్యాయి.

దీంతో దేశవ్యాప్తంగా పండుగ వాతావరణం నెలకొంది. వాషింగ్టన్‌లో దేశాధ్యక్షుడు డొనాల్డ్ ట్రంప్ ఆధ్వర్యంలో భారీగా వేడుకలు జరుగనున్నాయి. ప్రపంచ చరిత్రలోనే మొట్టమొదటి సారి సిబ్బంది 8.౫౦ లక్షల మేర పటాకులు కాల్చేందుకు సరంజామా సిద్ధం చేశారంటే, వేడుకలు ఏ స్థాయిలో ఉంటాయో అర్థం చేసుకోవచ్చు. ఇప్పటికే వాషింగ్టన్ నగరమంతా భద్రతా దళాల పహారాలోకి వెళ్లింది. నగరవ్యాప్తంగా ౫ వేల మంది నేషనల్ గార్డ్ సైనికులు మోహరించారు.