విజయవాడ హైవేపై ట్రాఫిక్ జామ్

హైదరాబాద్: వరస సెలవుల రావడంతో జనం సొంత ఊళ్లకు బయలుదేరారు. శుక్రవారం తెల్లవారుజామునుంచే అబ్దుల్లాపూర్‌మెట్ సమీపంలో హైదరాబాద్-విజయవాడ జాతీయ రహదారిపై(Hyderabad-Vijayawada National Highway) భారీ ట్రాఫిక్ జామ్ అయింది. ఔటర్ రింగ్ రోడ్డు (Outer Ring Road) జంక్షన్ నుండి విజయవాడ వైపు వాహనాల రాకపోకలు నెమ్మదిగా సాగాయి. కార్లు, బస్సులు, ట్రక్కుల పొడవైన వరుసలు కిలోమీటర్ల మేర విస్తరించాయి. కొన్ని చోట్ల తాము గంటకు పైగా ట్రాఫిక్ జామ్‌లో చిక్కుకుపోయామని ప్రయాణికులు తెలిపారు. జరుగుతున్న రహదారి విస్తరణ పనుల కారణంగా కీలక ప్రదేశాలలో రహదారి ఇరుకుగా మారి, ట్రాఫిక్ రద్దీకి కారణమవుతోంది. విజయవాడ హైవేపై భారీగా ట్రాఫిక్ జామ్(Traffic jam)తో వాహనదారుల ఇబ్బంది పడుతున్నారు.