1. బాక్సింగ్ డే టెస్ట్‌లో ఆస్ట్రేలియా 152.. ఇంగ్లాండ్ 110
2. మెల్‌బోర్న్‌లో పేసర్ల హవా
3. ఆసీస్ రెండో ఇన్నింగ్స్ 4/0

మెల్‌బోర్న్: యాషెస్ సిరీస్‌లో ఈ సారి బౌలర్ల హవా ప్రతీ మ్యాచ్‌లోనూ కనిపిస్తోంది. మొదటి టెస్ట్ రెండు రోజుల్లోనే ముగిసిపోగా ఇప్పుడు మెల్‌బోర్న్ వేదికగా జరుగుతున్న బాక్సింగ్ డే టెస్టు కూడా అదే దారిలో సాగుతోంది. తొలిరోజే ఏకంగా 20 వికెట్లు పడ్డా యి. ఇరు జట్ల తొలి ఇన్నింగ్స్‌లు ముగిసిపోయాయి. ఇప్పటికే సిరీస్‌ను 3- ఆసీస్ సొంతం చేసుకున్న వేళ మెల్‌బోర్న్ టెస్టులో టాస్ గెలిచిన ఇంగ్లాండ్ కెప్టెన్ స్టోక్స్ బౌలింగ్ ఎంచుకున్నాడు. పిచ్ పేస్కు అనుకూలించడంతో ఇంగ్లీష్ బౌలర్లు అదరగొట్టారు.  

ట్రావిస్ హెడ్ ఆ తర్వాత జాక్ వెథరాల్డ్, లబుషేష్ వెంటవెంటనే అవుటవ్వడంతో ఆస్ట్రేలియా 34 పరుగులకే మూడు వికెట్లు కోల్పో యింది. ఇక్కడ నుంచి క్రమం తప్పకుండా వికెట్లు చేజార్చుకుంది. టాప్ ఆర్డర్ మొత్తం చేతులెత్తేయడంతో 91 పరుగులకే ఆరు వికెట్లు పడ్డాయి. కామెరూన్ గ్రీన్ కాసేపు నిలకడగా ఆడి ఆదుకునేలా కనిపించాడు. అయితే అనవసర పరుగుకు ప్రయత్నించి రనౌట్ అయ్యా డు. ఆ వెంటనే ఆస్ట్రేలియా లోయర్ ఆర్డర్ పెవిలియన్ చేరడానికి ఎంతో సమయం పట్టలేదు. దాంతో ఆసీస్ 152 పరుగులకే ఆలౌట్ అయింది. టంగ్ ఐదు వికెట్లు పడగొట్టగా, అట్కిన్సన్ రెండు తీసాడు.

ఆసీస్ కంటే ఘోరంగా..

ఆసీస్‌ను తక్కువ స్కోర్‌కే ఆలౌట్ చేసిన సంతోషం ఇంగ్లాండ్‌కు ఎంతోసేపు నిలవలే దు. ఇంగ్లీష్ బ్యాటర్లు ఆసీస్ కంటే ఘోరంగా బ్యాటింగ్ చేశారు పేస్‌కు సహకరిస్తున్న పిచ్‌పై కంగారూ బౌలర్లు మరింత రెచ్చిపోవడంతో ఇంగ్లాండ్ బ్యాటింగ్ లైనప్ చేతులెత్తేసింది.  కేవలం 8 పరుగులకే ఇంగ్లాండ్ 3 కీలక వికెట్లు కోల్పోయి కష్టాల్లో పడింది. టాప్ 3 బ్యాటర్లు జాక్ క్రేలీ (5), బెన్ డకెట్ (2), జకాబ్ బెతెల్ (0) విఫలమయ్యారు. ఆసీస్ బౌలర్ల దెబ్బకు ఇంగ్లాండ్ జట్టులో ఏకంగా 8 మంది సింగిల్ డిజిట్ స్కోర్‌కే పరిమితమయ్యారు.

హ్యారీ బ్రూక్ 41 పరుగులతో జట్టులో టాప్ స్కోరర్‌గా నిలిచాడు. ఇంగ్లాండ్    వందలోపే ఆలౌటవుతుందేమో అనుకున్న సమయంలో అట్కిన్సన్ ఆఖర్లో బ్యాట్‌తో రాణించడంతో 110 పరుగులు చేయగలిగింది. నెసర్ 4 వికెట్లతో రాణించగా, బొలాండ్ 3, మిచెల్ స్టార్క్ 2, కామెరూన్ గ్రీన్ 1 వికెట్ తీసారు. తొలి ఇన్నింగ్స్‌లో ఆసీస్‌కు 42 పరుగుల ఆధిక్యం దక్కింది.

తర్వాత రెండో ఇన్నింగ్స్ ప్రారంభించిన ఆస్ట్రేలియా తొలిరోజు ఆటముగిసే సమయానికి వికెట్ నష్టపోకుండా 4 పరుగులు చేసింది. ప్రస్తుతం 46 పరుగుల ఆధిక్యంలో కొనసాగుతోంది. బౌలర్ల హవా కొనసాగుతున్న ఈ మ్యాచ్ లో నాలుగో ఇన్నింగ్స్ లో 200 ప్లస్ రన్స్ టార్గెట్‌ను ఛేజ్ చేయడం కూడా కష్టంగానే కనిపిస్తోంది.