గంజాయి అక్రమ రవాణా చేస్తున్న ఇద్దరు అరెస్ట్

హైదరాబాద్: అక్రమంగా గంజాయి తరలిస్తున్న ఇద్దరు వ్యక్తులను అరెస్టు చేసిన అఫ్జల్‌గంజ్ పోలీసులు(Afzalgunj Police) వారి నుండి 5.7 కిలోల గంజాయిని స్వాధీనం చేసుకున్నారు. అరెస్టు చేయబడిన నిందితులు ఒడిశాలోని మల్కన్‌గిరి నివాసితులు. వారిని మనోజ్ మధి (19), సురేష్ కబాసి (21)గా పోలీసులు గుర్తించారు. పోలీసులు తెలిపిన వివరాల ప్రకారం, ఒడిశాకు చెందిన గంజాయి సరఫరాదారు కరాయణ ముడు ఆదేశాల మేరకు ఇద్దరు వ్యక్తులు గంజాయిని ఒడిశా నుండి నగరానికి తీసుకువచ్చి, పటాన్‌చెరువుకు చెందిన సురేష్‌కు అప్పగించడానికి వేచి ఉండగా, సమాచారం మేరకు వారు (Mahatma Gandhi Bus Station) పార్కింగ్ స్థలంలో పట్టుబడ్డారు. వారిపై కేసు నమోదు చేసిన పోలీసులు దర్యాప్తు చేస్తున్నారు.