కిరణ్ అబ్బవరం స్వీయ దర్శకత్వంలో..

ఇప్పటివరకు హీరోగా అలరించిన కిరణ్ అబ్బవరం ఇప్పుడు సరికొత్తగా ప్రేక్షకుల ముందుకు రాబోతున్నారు. ఆయన తాజాచిత్రంలో హీరోగా నటించడమే కాక కథా రచయితగా, స్క్రీన్‌ప్లే రచయితగా, దర్శకుడిగా బాధ్యతలు చేపట్టారు. డిస్ట్రిబ్యూటర్ సుధాకర్ చాగంటి ఈ సినిమాను తన జాయ్ ఫిలమ్స్ బ్యానర్‌పై రూపొందిస్తూ, నిర్మాతగా అరంగేట్రం చేస్తున్నారు. ఈ చిత్రంతో కన్నడ బ్యూటీ దేవికా భట్ తెలుగు తెరకు హీరోయిన్‌గా పరిచయమవుతోంది.

శరత్‌కుమార్, సాయికుమార్ కీలక పాత్రలు పోషిస్తున్నారు. తాజాగా ఈ సినిమా శుక్రవారం హైదరాబాద్‌లో లాంఛనంగా ప్రారంభమైంది. ప్రారంభోత్సవం అనంతరం వెంటనే రెగ్యులర్ షూటింగ్ కూడా మొదలైంది. తొలి షెడ్యూల్లో ప్రధాన తారాగణం పాల్గొంటోంది. దర్శకుడిగా తొలి ప్రయత్నంలోనే కిరణ్ అబ్బవరం పూర్తిస్థాయి కమర్షియల్ ఎంటర్‌టైనర్‌ను సిద్ధం చేశారు. ఈ చిత్రానికి విశ్వాస్ డేనియల్ డీవోపీ కాగా, భీమ్స్ సిసిరోలియో సంగీతం అందిస్తున్నారు. సుధీర్ మాచర్ల ప్రొడక్షన్ డిజైనర్‌గా, సంతోష్ నాయుడు ఎడిటర్‌గా పనిచేస్తున్నారు.