కేంద్ర విద్యాశాఖ మంత్రి రాజీనామా చేయాలి

సీపీఐ(ఎంఎల్-మాస్‌లైన్) ప్రధాన కార్యదర్శి ప్రదీప్‌సింగ్ ఠాకూర్

హైదరాబాద్ సిటీబ్యూరో, జూన్ 27 (విజయక్రాంతి) : దేశ వ్యాప్తంగా లక్షలాది మంది విద్యార్థుల జీవితాలతో మోదీ ప్రభుత్వం చెలగాటమాడుతోందని సీపీఐ (ఎంఎల్- మాస్ లైన్) జాతీయ ప్రధాన కార్యదర్శి ప్రదీప్ సింగ్ ఠాకూర్ ధ్వజమెత్తారు. నీట్ పేపర్ లీకేజీ వ్యవహారంపై నైతిక బాధ్యత వహించి తక్షణమే కేంద్ర విద్యా శాఖ మంత్రి తన పదవికి రాజీనామా చేయాలని డిమాం డ్ చేశారు. హైదరాబాద్ విద్యానగర్‌లోని మార్క్ భవన్ కార్యాలయంలో సీపీఐ (ఎంఎల్-మాస్‌లైన్) జాతీయ ప్రధాన కార్యదర్శి ప్రదీప్ సింగ్ ఠాకూర్, రాష్ట్ర కార్యదర్శి పోటు రంగారావుతో కలిసి గురువారం ఆయన విలేకరుల సమావేశం నిర్వహించారు.

ఈ సందర్భంగా ఆయన మాట్లాడు తూ.. నీట్ పేపర్ లీకేజీపై కేంద్ర ప్రభుత్వం ఎందుకు బాధ్యతగా వ్యవహారించడం లేదని నిలదీశారు. రాజ్యాంగ విలువలను, స్ఫూర్తిని దెబ్బతీసేలా మోదీ పాలన కొనసాగుతుందన్నారు. డిప్యూటీ స్పీకర్ స్థానా న్ని ప్రతిపక్షానికి ఇవ్వాల్సి ఉండగా, ఆ సాంప్రదాయాన్ని కేంద్రం విస్మరించడం అప్రజాస్వామికం, రాజ్యాంగ విరుద్దమని ఆరోపించారు. సమావేశంలో మాస్‌లైన్ రాష్ట్ర కార్యదర్శి వర్గ సభ్యులు ఎస్ రాంచందర్‌రావు, ఎం. హన్మేశ్, ఐఎఫ్‌టీయూ రాష్ట్ర కార్యదర్శి సూర్యం, పీవైఎల్ రాష్ట్ర అధ్యక్షు లు కేఎస్ ప్రదీప్ తదితరులు పాల్గొన్నారు.