13న నిరుపయోగ వస్తువుల

శాంతి భద్రతల ఏఐజీ రమణకుమార్

హైదరాబాద్, మే 9(విజయక్రాంతి): హైదరాబాద్‌లోని డైరెక్టర్ జనరల్ ఆఫ్ పోలీస్ కార్యాలయంలో నిరుపయోగంగా ఉన్న వివిధ వస్తువుల విక్రయానికి సంబంధించి ఈ నెల 13న ఉదయం 11 గంటలకు బహిరంగ వేలం నిర్వహించనున్నట్లు శాంతి భద్రతల విభాగం ఏఐజీ రమణ కుమార్ ఒక ప్రకటనలో పేర్కొన్నారు. లక్డీకాపూల్‌లోని డీజీపీ కార్యాలయ ప్రాంగణంలో ఉన్న సెంట్రల్ స్టోర్స్‌లో ఈ వేలం ప్రక్రియ కొనసాగుతుందన్నారు.

కార్యాలయంలో విని యోగానికి వీలులేని ఎలక్ట్రికల్ వస్తువులు, ఇనుప సామగ్రి, చెక్క వస్తువులతో పాటు ఇతర పాత సామగ్రిని ఈ వేలంలో ఉంచనున్నట్లు ఆయన వివరించారు.ఈ బహిరంగ వేలంలో పాల్గొనేందుకు ఆసక్తి ఉన్న బిడ్డర్లు నిర్ణీత సమయానికి వేదిక వద్దకు చేరుకోవాలని సూచించారు. వేలంలో పాల్గొనే వారు తమ వెంట తప్పనిసరిగా ఆధార్ కార్డును తీసుకురావాలని ఏఐజీ రమణ కుమార్ స్పష్టం చేశారు.